2. flokkur: Akureyri-2 með flottan sigur á ÍR

Akureyri sendir út tvö lið í 2. flokk í vetur og á laugardag tók Akureyri-2 á móti ÍR í Höllinni. Akureyri byrjaði leikinn af miklum krafti með sterka 5-1 vörn og Arnar Fylkisson í banastuði í markinu. Eftir 15 mínútna leik var staðan 9-4 fyrir Akureyringa og tóku gestirnir þá leikhlé. Hart var barist út hálfleikinn og voru hálfleikstölur 15-9 Akureyringum í vil. Munaði þar mestu að Arnar Fylkisson var kominn með 14 varin skot í markinu og sóknarleikurinn gekk smurt þar sem leikstjórnandinn Vignir Jóhannesson stjórnaði góðum hraða og færin komu á færibandi.

Fyrstu 10 mínútur seinni hálfleiks voru góðar hjá Akureyringum sem komust í 21-13 forystu. Sigurinn nánast í höfn og kom upp nokkur værukærð í sóknarleiknum en sigurinn aldrei í hættu og lokatölur 28-20.

Arnar Fylkisson var frábær í markinu og endaði með 24 skot varin. Markahæstir voru Heimir Pálsson 8 mörk, Arnþór Finnsson 6 mörk, Vignir Jóhannesson 5 mörk, Jóhann Einarsson 4 mörk og aðrir minna.

Flottur sigur hjá Akureyri 2 sem voru í raun miklu betra liðið á vellinum.

Eftir leikinn er staðan í 2. deildinni svona:

Nr.	Félag	Leikir	U	J	T	Mörk	Hlutfall	Stig
1.	HK	10	8	1	1	299:225	74	17
2.	Valur 2	10	7	1	2	290:266	24	15
3.	ÍR	11	6	2	3	301:301	0	14
4.	Akureyri 2	9	4	3	2	248:223	25	11
5.	Þróttur	10	4	0	6	259:275	-16	8
6.	Víkingur	10	3	1	6	256:273	-17	7
7.	Grótta 2	8	1	2	5	201:226	-25	4
8.	KR	10	0	2	8	245:310	-65	2

Fletta milli frétta

Til baka

Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson