Undirritun samninga við Sverre, Róbert og Bernharð

Fréttir

Þú flettir milli frétta með örvalyklunum eða smellir á bláu örvarnar!


Sverre og Hlynur undirrita upphaflega samninginn		22. mars 2016 - Akureyri handboltafélag skrifar Undirritun samninga við Sverre, Róbert og Bernharð Nú á dögunum undirrituðu Akureyri Handboltafélag og Sverre Andreas Jakobsson samning um framlengingu á þjálfarasamningi. Það þarf ekki að hafa mörg orð um mikilvægi þess enda gríðarleg ánægja og sátt með störf Sverre á tímabilinu. Sverre leiðir Akureyrarliðið áfram á hliðarlínunni Þá voru undirritaðir samningar við tvo unga og efnilega leikmenn. Róbert Sigurðarson kom inn í liðið í haust og hefur hreinlega blómstrað í hjarta varnarinnar þar sem hann er orðinn einn mikilvægasti hlekkurinn. Maron Pétursson og Róbert Sigurðarson við undirritunina Við sama tækifæri var undirritaður samningur við markvörðinn Bernharð Anton Jónsson. Bernharð er gríðarlegt efni og var valinn besti maður 2. flokks Akureyrar vorið 2015. Bernharð lék sinn fyrsta meistaraflokksleik með Akureyri þegar Akureyri mætti Val í febrúar og átti þar stórleik og var valinn maður leiksins. Bernharð var fyrir örfáum dögum valinn í lokahóp U-20 ára landsliðs Íslands sem tekur þátt í undankeppni EM. Maron Pétursson og Bernharð Anton Jónsson við undirritunina
Fletta milli frétta	Til baka Senda á Facebook