Vel heppnaður bílaþvottur – þakkir - Akureyri Handboltafélag

Fréttir

Þú flettir milli frétta með örvalyklunum eða smellir á bláu örvarnar!


Strákarnir tóku vel á því við þvottinn		11. ágúst 2016 - Akureyri handboltafélag skrifar Vel heppnaður bílaþvottur – þakkir Á sunnudaginn tóku leikmenn Akureyrar Handboltafélags að sér þrif á bílum bæjarbúa. Ekki er hægt að segja annað en að vel hafi tekist til og fjölmargir nýttu sér þjónustuna þannig að biðröð var allan opnunartímann og gott betur. Milli 45 og 50 bílar fengu yfirhalningu hjá piltunum sem voru hæstánægðir með viðtökurnar. Strákarnir biðja fyrir þakkir til allra þeirra sem tóku þátt í fjáröfluninni með því að nýta þjónustuna og sérstakar þakkir senda þeir SBA (Sérleyfisbílum Akureyrar) og Bílanaust fyrir mikla hjálp. SBA bauð þeim að nota aðstöðuna sína og Bílanaust hjálpaði til með bón og fleiri efni. Þessi aðstoð var auðvitað nauðsynleg fyrir bílaþvottinn og kunna strákarnir báðum fyrirtækjum miklar þakkir fyrir. Heimasíðan kíkti á strákana á sunnudaginn og smellti af nokkrum myndum:
Fletta milli frétta	Til baka Senda á Facebook