Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Mikið leikjaálag hjá strákunum um helgina 25. september 2016 - Akureyri handboltafélag skrifar Laugardagurinn hjá Akureyrarstrákum Akureyrarliðin í 2. flokki karla og fyrstu deild karla nýta ferðalögin til hins ítrasta og léku öll tvo leiki í suðurferð helgarinnar. Annar flokkur karla hjá Akureyri mætti Gróttu á Seltjanarnesinu í gær og lauk leiknum með jafntefli 28-28. Strákarnir gerðu því jafntefli í báðum leikjum sínum um helgina. Ungmennalið Akureyrar mætti fornfrægum Víkingum í 1. deild karla. Hálfleiksstaðan var 18 - 14 fyrir heimamenn í Víkingi sem lönduðu að lokum óþarflega stórum sigri, lokatölur 35 - 25. Mörk Akureyrar í leiknum: Brynjar Hólm Grétarsson 12, Patrekur Stefánsson 6, Arnþór Gylfi Finnsson 2, Vignir Jóhannsson 2, Almar Blær Bjarnason 1, Daði Jónsson 1 og Heimir Pálsson 1. Hamrarnir mættu stórliði ÍR í seinni leik sínum í 1. deildinni. Hamrarnir byrjuðu með látum og leiddu í hálfleik með tveim mörkum 12 - 14. En í seinni hálfleik náðu ÍR-ingar að snúa leiknum og knúðu fram þriggja marka sigur 29-26. Mörk Hamranna: Hörður Másson 6, Jón Heiðar Sigurðsson 5, Bjarni Jónasson 4, Jónatan Þór Magnússon 4, Jón Þór Sigurðsson 3, Hlynur Elmar Matthíasson 2 og Jónas Freyr Guðbrandsson 2 mörk. Föstudaginn 30. september eiga bæði Akureyri U og Hamrarnir heimaleiki, Akureyri U gegn Þrótti en Hamrarnir gegn Fjölni. Það er þó rétt að fylgjast með tímasetninu og staðsetningu leikjanna hér á síðunni í vikunni. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson