Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Jóhann og Vignir leika trúlega alla þrjá leikina um helgina 2. desember 2016 - Akureyri handboltafélag skrifar 2. flokkur í stórræðum um helgina Strákarnir í 2. flokki hafa heldur betur nóg fyrir stafni um helgina en þeir leika í rauninni þrjá útileiki um helgina. Tvo deildarleiki sem 2. flokkur og bikarleik sem Ungmennalið Akureyrar. Fyrsti leikurinn er í kvöld, föstudag klukkan 20:30 þar sem þeir mæta KR í DHL Höllinni. Annar leikurinn er á morgun, laugardag klukkan 13:10 þar sem þeir mæta Val í Valshöllinni. Þriðji leikurinn er á sunnudaginn en þá á Ungmennalið Akureyrar bikarleik gegn meistaraflokki Vals. Sá leikur átti upphaflega að fara fram hér fyrir norðan en ákveðið var að leika hann syðra og hefst hann klukkan 14:00. Staðan er reyndar dálítið snúin því líkt og Ungmennaliðið þá er meistaraflokkur Akureyrar líka að spila í Coca Cola bikarnum og reglurnar segja að enginn leikmaður megi spila með tveim liðum í bikarnum. Sjö af leikmönnum Akureyrarliðsins sem léku í gær gegn Selfyssingum hafa verið að spila með ungmennaliðinu og þar sem Sverre hyggst trúlega nota þá líka í bikarleik meistaraflokksins gegn FH á mánudagskvöldið þá geta þeir ekki líka leikið þennan Ungmennaliðsleik á sunnudaginn. Það er því næsta víst að strákarnir í 2. flokki svo og einhverjir úr 3. flokki KA og Þór muni skipa Ungmennaliðið í bikarleiknum gegn Val á sunnudaginn. Það er sem sé enginn skortur á verkefnum hjá piltunum yfir helgina. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson