Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Arnar Þór Fylkisson stóð vaktina í markinu í dag 3. desember 2016 - Akureyri handboltafélag skrifar 2. flokkur: Sigur á Valsmönnum í dag Það er heldur betur kraftur í strákunum í 2. flokki, þeir mættu í Valsheimilið í dag þar sem biðu þeirra heimamenn sem voru ósigraðir í deildinni. Akureyrarliðið, sem er frekar fáliðað í þessari ferð hitaði upp í gærkvöldi með góðum sigri á KR og komu strákarnir fullir sjálfstrausts í leikinn. Allt var í járnum í fyrri hálfleik en Akureyri leiddi með einu marki að honum loknum, 13-14. En líkt og í gær gáfu þeir allt í seinni hálfleikinn og uppskáru gríðarlega mikilvægan fjögurra marka sigur, 28-32. Mörk Akureyrar: Heimir Pálsson 11, Sigþór Gunnar Jónsson 8, Daði Jónsson 7, Jóhann Einarsson 4 og Jason Orri Geirsson 2. Í markinu stóð Arnar Þór Fylkisson en aðrir sem komu við sögu í leiknum í dag voru Aron Tjörvi Gunnlaugsson, Elvar Reykjalín og Finnur Geirsson. Staðan í 1. deild annars flokks er frekar flókin þar sem liðin hafa leikið mismarga leiki. Hér er hægt að skoða stöðuna og úrslit allra leikja í deildinni. Þegar þetta er skrifað er raunar ekki búið að skrá úrslitin í leik Akureyrar og Vals. En Akureyri er komið með 8 stig eftir sex leiki. Á morgun, sunnudag er á dagskrá leikur í Coca Cola bikar karla þar sem Ungmennalið Akureyrar mætir meistaraflokki Vals. Viðbúið er að strákarnir í 2. flokki Akureyrar muni leika stórt hlutverk í Ungmennaliðinu í þeim leik. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson