2. flokkur: Bikarleikur í Íþróttahöllinni í kvöld

Fréttir

Þú flettir milli frétta með örvalyklunum eða smellir á bláu örvarnar!


Hafþór Vignisson einn lykilmanna Akureyrarliðsins		19. desember 2016 - Akureyri handboltafélag skrifar 2. flokkur: Bikarleikur í Íþróttahöllinni í kvöld 2. flokkur Akureyrar er ekki kominn í jólafrí ennþá því strákarnir spila bikarleik gegn Aftureldingu í Íþróttahöllinni klukkan 18:15 í kvöld (mánudag). Eins og við höfum sagt frá hér á síðunni var ákveðið fyrir skömmu að draga lið 2. flokks út úr deildarkeppninni. Í staðinn bera þeir sömu strákar uppi Ungmennalið Akureyrar og hafa gert með glæsibrag í síðustu leikjum. Það er ekkert gefið eftir í leikjum 2. flokks. Hafþór og Kristján Garðarsson í slag gegn HK Akureyri og Afturelding höfðu þó mæst áður í deildarkeppninni í vetur, raunar var það í fyrstu umferð og lauk þeim leik með jafntefli, 27-27 þar sem heimamenn í Aftureldingu náðu að jafna á lokasekúndum leiksins. Við hvetjum alla stuðningsmenn ungu strákanna til að kíkja í Íþróttahöllina klukkan 18:15 í kvöld og styðja þá áfram í baráttunni, þeir eiga það svo sannarlega skilið. Strákarnir fagna góðum sigri gegn KR 2. desember
Fletta milli frétta	Til baka Senda á Facebook