Leikur dagsins: Akureyri-U og ÍBV-U mæta í Víkina

Fréttir

Þú flettir milli frétta með örvalyklunum eða smellir á bláu örvarnar!


Það er komið að uppgjöri þessara liða um helgina		13. janúar 2017 - Akureyri handboltafélag skrifar Leikur dagsins: Akureyri-U og ÍBV-U mæta í Víkina Ungmennalið Akureyrar heldur til Reykjavíkur í dag og leikur þar gegn Ungmennaliði ÍBV í 1. deild karla. Það varð að samkomulagi milli félaganna að liðin myndu mætast á hlutlausum velli og leika þar báða innbyrðisleiki sína í deildinni. Leikurinn í dag fer fram í Víkinni og hefst klukkan 20:30 og telst vera heimaleikur Akureyrar. Á morgun, laugardag mætast liðin klukkan 12:00 að Varmá í Mosfellsbæ en sá leikur er heimaleikur ÍBV. Við hvetjum þá stuðningsmenn Akureyrar sem eru staddir á höfuðborgarsvæðinu að kíkja á leikina og styðja okkar menn í baráttunni. Staða liðanna í deildinni fyrir þessa leiki er þannig að Akureyri U er í 9. sæti með 9 stig eftir tólf leiki en ÍBV U er í 12. sæti með 2 stig eftir ellefu leiki.
Fletta milli frétta	Til baka Senda á Facebook