
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Það mun mæða mikið á markvörðunum um helgina

26. mars 2009 - Akureyri handboltafélag skrifar

2. flokkur: Tveir mikilvægir útileikir um helgina

Það eru búin að vera rólegheit í handboltanum hér norðanlands upp á síðkastið, hlé vegna verkefna landsliðsins en nú um helgina fara hlutirnir í gang á ný.

2. flokkur á tvo útileiki fyrir sunnan. Á föstudaginn leika strákarnir við Stjörnuna og verður leikið í Mýrinni klukkan 20:00. Stjarnan hefur ekki náð að gera neinar rósir í vetur og situr í næstneðsta sæti deildarinnar með 11 stig eftir 18 leiki. Reyndar ber þess að geta að Stjarnan hefur reynst Akureyrarliðinu erfið í þau tvö skipti sem liðin hafa mæst í vetur. Í fyrra skiptið mættust liðin í bikarkeppninni og þar hafði Akureyri harðsnúinn tveggja marka sigur 36-34. Leikurinn var í Síðuskóla og þar mættust liðin öðru sinni í janúar og þar fór allt á svipaðan veg, tveggja marka strögglsigur 26-24.

Strákarnir áttu vægast sagt slakan leik síðast þegar þeir lágu á heimavelli gegn Selfyssingum þannig að nú þurfa þeir að rífa sig upp og bæta fyrir þann leik og ekki síður að sýna Stjörnunni sitt rétta andlit.

Á laugardaginn klukkan 15:10 mæta þeir ÍR-ingum í Austurbergi. ÍR er mikið ólíkindalið sem getur á góðum degi unnið hvaða lið sem er. Framan af Íslandsmótinu voru þeir í toppbaráttunni í deildinni en hafa gefið eftir nú í seinni hlutanum. Liðin mættust hér í desember og þar fór Akureyri með yfirburðasigur 39-24 eftir einn skrautlegasta leik tímabilsins. Það er hins vegar engin hætta á að ÍR klúðri heimaleiknum með sama hætti og öruggt að þeir munu leggja allt í sölurnar til að hefna ófaranna í þeim leik.

Deildinni lýkur síðan með heimaleik gegn botnliði Fjölnis laugardaginn 4. apríl. Akureyri getur því með eðlilegri spilamennsku um helgina tryggt deildarmeistaratitilinn þar sem höfuðkeppinautarnir í FH töpuðu óvænt fyrir Víkingum í vikunni og það stefnir í hörkubaráttu FH og Selfyssinga um annað sætið en liðin mætast einmitt í næstu umferð.

Staðan í deildinni er nú sem hér segir:

Nr.	Félag	Leik	U	J	T	Mörk	Nett	Stig
1.	Akureyri	19	15	1	3	635:535	100	31
2.	FH	20	15	0	5	674:538	136	30
3.	Selfoss	19	13	1	5	633:540	93	27
4.	Víkingur	20	12	2	6	589:516	73	26
5.	Haukar	20	9	5	6	558:526	32	23
6.	Valur	19	8	3	8	556:564	-8	19
7.	ÍR	19	9	1	9	555:541	14	19
8.	Afturelding	18	8	1	9	491:522	-31	17
9.	HK	18	7	1	10	563:537	26	15
10.	Fram	20	6	0	14	582:638	-56	12
11.	Stjarnan	18	5	1	12	471:512	-41	11
12.	Fjölnir	20	0	0	20	413:751	-338	0

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson