Warning: Undefined array key "frettanr" in /web/akhandadmin/public_html/index.php on line 15 Akureyri í undanúrslit bikarsins eftir stórsigur - Akureyri Handboltafélag
Dómarar: Brynjar Einarsson og Vilbergur F. Sverrisson
Umfjöllun
Tengdar fréttir
Atli sáttur við framgöngu ungu strákanna í leiknum
6. desember 2010 - Akureyri handboltafélag skrifar
Leikmenn og þjálfarar í viðtölum eftir Víkingsleikinn
Við höldum áfram að varpa ljósi á leik Víkings og Akureyrar, hér fara á eftir fjölmörg viðtöl við leikmenn og þjálfara liðanna. Byrjum á viðtölum Elvars Geirs Magnússonar hjá visir.is sem ræddi við Odd Gretarsson og Sveinbjörn um leikinn og landsliðið:
Oddur Gretarsson: Mjög spennandi verkefni sem tekur nú við „Það er frábært að vera komnir svona langt,“ sagði Akureyringurinn Oddur Gretarsson eftir að liðið vann Víking örugglega og tryggði sér sæti í undanúrslitum bikarsins. „Við áttum í smá erfiðleikum með að finna taktinn í byrjun. Síðan þegar við náum þessum hraðaupphlaupum og vörnin fór að smella var þetta aldrei spurning. Þetta gekk mjög vel í seinni hálfleik.“
Næst á dagskrá hjá Oddi er hinsvegar verkefni með íslenska landsliðinu en hann er í hópnum sem er að fara að leika í heimsbikarnum í Svíþjóð í vikunni. „Þetta er mjög spennandi verkefni sem tekur við á morgun (mánudag). Ég hlakka mikið til og lýst vel á þennan hóp. Við erum nokkrir sem erum að fá tækifæri og verður gaman að spila þessa tvo leiki.“
Sveinbjörn Pétursson: Við stefnum alla leið í þessari keppni Tveir aðrir leikmenn Akureyrar eru í landsliðshópnum; Bjarni Fritzson og markvörðurinn Sveinbjörn Pétursson. „Það er ekki hægt að neita því að það hefur verið fiðringur í manni síðustu daga,“ segir Sveinbjörn sem er nýliði í hópnum. „En þetta er frábært tækifæri sem ég er heppinn að fá og vonandi næ ég að heilla landsliðsþjálfarann og sýna að ég geti eitthvað í markinu.“
En um leikinn gegn Víkingum sagði Sveinbjörn: „Þetta var skyldusigur hjá okkur. Við komumst í 4-0 en byrjuðum svo að slaka á. Svo mættum við bara í seinni hálfleikinn og keyrðum yfir þá. Við spiluðum sterka vörn og vorum skynsamir í sóknarleiknum, þetta var þægilegur sigur en við komum inn í þennan leik af 100% krafti. Við stefnum alla leið í þessari keppni eins og öðrum en þetta er bara eitt skref í áttina að því.“
Róbert Sighvatsson: Þetta var bara gaman fyrir okkur Elvar Geir Magnússon ræddi einnig við Róbert Sighvatsson, þjálfara Víkinga, sem segist taka jákvæðu punktana úr leiknum gegn Akureyri.
„Þetta var ekkert of stórt fyrir okkur, þetta var bara gaman fyrir okkur. Við horfum þannig á þetta. Þetta er fínt fyrir ungu strákana að fá að mæta svona sterku liði og gefur þeim reynslu,“ sagði Róbert sem telur að þessi leikur muni hjálpa sínu liði í baráttunni framundan í 1. deildinni „Menn sjá að það er langt eftir og það hlýtur að bíta í menn á æfingum,“ sagði Róbert en Víkingsliðið er næst neðst í 1. deild á meðan Akureyri trónir á toppi N1-deildarinnar.
Mörgum Víkingum fannst dómgæslan halla á liðið í dag. „Ég mótmælti mjög lítið, ég segi yfirleitt ekkert við dómarann. Þeir sem voru að horfa á sáu eitthvað meira. En ég segi ekkert við þessa dómara, þetta er ekki eitthvað sem við þurfum að hafa áhyggjur af. Það er í höndum HSÍ.“
Guðmundur Egill Gunnarsson fréttaritari sport.is ræddi við þjálfarana Atla Hilmarsson og Róbert Sighvatsson.
Atli Hilmarsson: Mjög ánægjulegt að vera komnir í undanúrslit „Við erum ánægðir með að vera komnir áfram og frábært að vera komnir í undanúrslit og við erum búnir að slá út tvö úrvalsdeildarlið, fyrst HK og svo Aftureldingu þannig þetta er búin að vera strembin leið en ég er mjög ánægður með að vera kominn áfram.“
Ungu strákarnir í liði Akureyrar fengu að spreyta sig töluvert í leiknum og á tímabili var meðalaldur útivallarleikmanna Akureyrar undir 20 árum. „Þetta var mjög fínt og ánægjulegt að sjá innkomu Stefáns Guðnasonar í markinu líka en hann varði allt sem á markið kom og það er mikið búið að tala um Sveinbjörn en Stefán fékk hérna 15 mínútur og skilaði þeim mjög vel. Ég er líka ánægður með alla hina strákanna en við erum án Guðmundar Hólmars og Hreins Haukssonar þannig það var fínt að hinir fengu tækifærið og nýttu það vel.“
Skyttan Guðmundur Hólmar lék ekki með í dag sökum bílslys sem hann lenti í fyrr í dag. Atli vonar þó að hann verði fljótur að jafna sig. „Ég held að það sé í lagi með Guðmund en hann lenti í árekstri á leið á flugvöllinn og við vonum að þetta sé ekki alvarlegt, hann er að minnsta kosti kominn heim til sín og við vonum að hann sé í lagi.“
Akureyri á erfiðan leik gegn næstefsta liði N1-deildarinnar í næstu viku þegar Framarar koma í heimsókn í Höllina. Atli missir þó leikmenn í landsleiki í miðjum undirbúningi fyrir leikinn. „Við erum að missa þrjá leikmenn í A-landsliðið núna þannig undirbúningurinn byrjar ekki fyrir alvöru fyrr en næsta föstudag en þarna eru að mætast lið númer 1 og lið númer 2 og ef það verður ekki full höll núna þá hvenær sagði ég um daginn og núna held ég fólk sem kom á sigurleikinn gegn HK hljóti að koma aftur núna og vonandi verður full höll og frábær stemning.“
Róbert Sighvatsson: Getum tekið jákvæða hluti úr þessu Róbert Sighvatsson, þjálfari Víkinga, var að vonum ekki sáttur með að tapa svo stórt gegn Akureyri í dag en hann gat þó séð góða punkta í leik liðsins. „Við getum tekið jákvæða punkta út úr þessu, það voru fínir hlutir þarna sem við vorum að gera í fyrri hálfleik sérstaklega og það sem við lögðum upp með gekk bara ágætlega upp. Þetta er hinsvegar orðið erfitt í seinni hálfleiknum og þá eru hausarnir oft fljótir að detta niður“
Nóg var að gera hjá Ólafi Haraldssyni eftirlitsmanni HSÍ á leiknum en leikmenn og áhorfendur voru ekki parsáttir með dómgæslu þeirra Brynjars Einarsson og Vilbergs Sverrissonar. Róbert vildi hinsvegar lítið segja um það. „Ég vil ekki vera að tjá mig neitt um einhverja dómara, ég held að þeir sem hafi verið á vellinum viti alveg af hverju menn hafi eitthvað verið að tjá sig á bekknum þannig ég held að þeir geti alveg lýst því nákvæmlega eins og þetta var.“
Víkingur er í næstneðsta sæti 1.deildar karla í handbolta og við spurðum Róbert aðeins um framhaldið í deildinni. „Við höldum bara jákvæðir áfram. Við eigum einn leik eftir fyrir áramót núna á föstudaginn gegn ÍR en það er leikur sem við förum í til þess að vinna þannig við höldum bara ótrauðir áfram. Við erum ekkert að slaka á.“
Ólafur Már Þórisson blaðamaður á Morgunblaðinu ræddi við þjálfarana, Atla og Róbert
Atli Hilmarsson: Ánægður með ungu strákana Atli Hilmarsson, þjálfari Akureyrar, var ánægður með frammistöðu yngri leikmanna liðsins. „Það er frábært að vera kominn í undanúrslit og í fyrsta skiptið sem félaginu okkar tekst það. Svo var líka ánægjulegt að sjá ungu strákana spila vel. Þeir hafa verið að sýna það á æfingum og gott að þeir sýni það líka í leikjum. Stefán Guðnason kemur til að mynda inn á þegar fimmtán mínútur eru eftir og heldur markinu nánast hreinu. Þessir strákar bættu bara við ef eitthvað var.“ Allir leikmenn Akureyrar komust á blað ef undan eru skildir markmennirnir og Halldór Logi Árnason.
Atli á sér ekki óskamótherja en vill þó fá heimaleik. „Ég bað um Víking fyrir þessa umferð og fékk þá. Nú bið ég bara um heimaleik.“
Róbert Sighvatsson: Góð reynsla Róbert Sighvatsson, þjálfari Víkings, var ánægður með sína menn þrátt fyrir tapið. „Við ætluðum að standa okkur vel og við náðum því svona að hluta til. Úthaldið er fínt en við fáum mótspyrnu alls staðar að frá Akureyrarliðinu og það eru ungir strákar hjá okkur sem ná því miður ekki að halda þetta út. Þeir eru reynslulitlir ennþá.“ Róbert segir þennan leik gefa þeim reynslu fyrir átökin í fyrstu deildinni og það sé skemmtilegt að máta sig við lið í úrvaldeildinni.
Róbert vildi lítið segja um dómarana í leiknum sem áttu ekki góðan dag og oft óljóst hvaða línu eða yfir höfuð reglum þeir voru að fara eftir. „Ég veit það ekki. Þú varst á leiknum er það ekki? Meira þarf ég ekki að segja um það.“
Bjarni Fritzson og félagar eiga möguleika á að komast í undanúrslitin í dag
5. desember 2010 - Akureyri handboltafélag skrifar
Leikur dagsins: Víkingur - Akureyri í beinni textalýsingu
Í dag klukkan 16:00 eigast Víkingur og Akureyri við í 8-liða úrslitum Eimskipsbikarsins. Leikið er á heimavelli Víkinga í Víkinni og ætlum við að reyna að þjóna fjölmörgum stuðningsmönnum sem heima sitja með því að halda úti beinni textalýsingu frá leiknum. Við verðum með fulltrúa okkar á staðnum sem mun lýsa því sem fyrir augu ber símleiðis og við komum upplýsingunum jafnóðum á netið.
Við reiknum með því að lýsingin hefjist rétt fyrir leikinn sem hefst eins og áður segir klukkan 16:00.
Eins og vanalega þá opnast lýsingin í sérstökum glugga og uppfærist sjálfkrafa á 15 sekúndna millibili.
Víkingar eiga örugglega þann draum að leggja topplið Akureyrar að velli
3. desember 2010 - Akureyri handboltafélag skrifar
Bikarleikur á sunnudaginn, Víkingur - Akureyri
Eftir háspennuleik í gær gegn Aftureldingu er stutt í næsta leik en á sunnudaginn er á dagskrá bikarleikur gegn Víkingum. Margir töldu trúlega að leikurinn í gær yrði léttur og löðurmannlegur en annað kom heldur betur á daginn. Væntanlega telja ýmsir leikinn gegn Víkingum aðeins formsatriði en í því er einmitt hættan fólgin.
Víkingar eru sem stendur í frekar erfiðum málum, sitja í 6. sæti 1. deildar með 7 stig eftir tíu leiki. Þjálfarar liðsins eru tvær fyrrum landsliðshetjur, markvörðurinn Guðmundur Hrafnkelsson og línumaðurinn Róbert Þór Sighvatsson.
Víkingar léku í úrvalsdeild tímabilið 2008-2009 og okkur til lítillar gleði unnu þeir Akureyri hér í Höllinni 25-27 í janúar 2009. Víkingur féll samt sem áður úr deildinni og endaði síðasta tímabil í 4. sæti 1. deildar.
Leikmannahópur Víkinga er ef til vill ekki mjög þekktur en fimm úr leikmannahópnum léku í úrvalsdeildinni fyrir tveimur árum. Þekktastur er trúlega skyttan Sverrir Hermannsson en hann lék síðasta tímabil með HK en sneri aftur í Víkina í haust. Sverrir er einmitt lykilmaður í liðinu og skorar mikið af mörkum en markakóngur þeirra er þó Arne Karl Wehmeier sem er búinn að skora 52 mörk í tíu leikjum.
Arne Karl skorar á móti ungmennaliði FH
Í gær (fimmtudag) tapaði Víkingur fyrir Stjörnunni 25-29 á heimavelli þar sem þeir Arne Karl og Sverrir skoruðu fimm mörk hvor. Í næsta leik þar á undan tapaði Víkingur fyrir ungmennaliði Selfoss á útivelli 36-32 þar sem Egill Björgvinsson skoraði 11 mörk en Sverrir Hermannsson 5.
Víkingur sótti ungmennalið FH heim og sigraði þar örugglega 24-30. Markvörður þeirra Halldór Rúnarsson átti sannkallaðan stórleik í markinu. Hann varði um 30 skot og þar af þrjú vítaköst. Mörg skotanna varði hann úr dauðafærum. Hann lagði öðrum frekar grunninn að þessum sigri Víkinga. Arne Karl átti góðan leik í sókninni, skoraði 12 mörk og þar af 5 úr vítum sem hann nýtti öll.
Sagan segir okkur að í bikarkeppninni getur allt gerst þannig að lið Akureyrar verður að mæta í þennan leik af fullri alvöru og síðan skulum við fara að hugsa um næsta leik þar á eftir.
Leikurinn gegn Víkingum hefst klukkan 16:00 á sunnudaginn og er leikinn á heimavelli þeirra Víkinni.
Víkingar léku sannkallað fantavörn þegar þeir léku hér síðast sem má t.d. sjá á myndunum hér á eftir.
Jónatan fær heldur betur á kjaftinn frá Sverri Hermannssyni og Þresti Þráinssyni
Sverrir Hermannsson og Þröstur Þráinsson reyna að afhausa Andra Snæ
Úrvalsdeild karla
Senda skilaboð
Vefur KA
Vefur Þór
Fréttaleit
Ljósmyndir frá leiknum
Textalýsing frá leiknum
Tölfræði leiksins 
„Það er frábært að vera komnir svona langt,“ sagði Akureyringurinn Oddur Gretarsson eftir að liðið vann Víking örugglega og tryggði sér sæti í undanúrslitum bikarsins.
Tveir aðrir leikmenn Akureyrar eru í landsliðshópnum; Bjarni Fritzson og markvörðurinn Sveinbjörn Pétursson. „Það er ekki hægt að neita því að það hefur verið fiðringur í manni síðustu daga,“ segir Sveinbjörn sem er nýliði í hópnum. „En þetta er frábært tækifæri sem ég er heppinn að fá og vonandi næ ég að heilla landsliðsþjálfarann og sýna að ég geti eitthvað í markinu.“
Elvar Geir Magnússon ræddi einnig við Róbert Sighvatsson, þjálfara Víkinga, sem segist taka jákvæðu punktana úr leiknum gegn Akureyri.
„Við erum ánægðir með að vera komnir áfram og frábært að vera komnir í undanúrslit og við erum búnir að slá út tvö úrvalsdeildarlið, fyrst HK og svo Aftureldingu þannig þetta er búin að vera strembin leið en ég er mjög ánægður með að vera kominn áfram.“
Senda á Facebook