Warning: Undefined array key "frettanr" in /web/akhandadmin/public_html/index.php on line 15 Eins marks tap gegn Haukum í Hafnarfirði - Akureyri Handboltafélag
Dómarar: Ingvar Guðjónsson og Þorleifur Árni Björnsson. Eftirlit Kristján Halldórsson
Umfjöllun
Tengdar fréttir
Sverre hlakkar til fyrsta heimaleiksins
21. september 2014 - Akureyri handboltafélag skrifar
Hvað sögðu menn eftir leik Hauka og Akureyrar?
Eftir hörkuleik Akureyrar og Hauka eru komin nokkur viðtöl við leikmenn og þjálfara sem við drögum hér saman. Byrjum á viðtölum Ívars Benediktssonar, blaðamanns Morgunblaðsins sem ræddi við Sverre Andreas Jakobsson og Patrek Jóhannesson, þjálfara Hauka:
Sverre: Yngist upp um mörg ár
„Við misstum dampinn um stund í síðari hálfleik og það varð okkur að falli,“ sagði Sverre Andreas Jakobsson, leikmaður Akureyrar og annar þjálfari liðsins. Akureyringar voru þremur mörkum yfir, 15:12, að loknum fyrri hálfleik en voru síðan komnir þremur mörkum undir, 24:21, þegar fimm mínútur voru til leiksloka. „Við misstum hinsvegar aldrei trúna á að við gætum náð öðru stiginu eða báðum. Ég verð að hrósa liðinu fyrir baráttuanda. Það tekur maður jákvætt út úr þessum leik þótt aldrei sé skemmtilegt að tapa,“ sagði Sverre.
Sverre segir gaman að vera kominn heim eftir að hafa meira og minna í Þýskalandi í átta ár. „Ég hef rosalega gaman af þessu og eiginlega meiri gaman af þessu en ég hélt með alla þessa stráka í kringum mig og góðan hóp. Maður yngist upp um mörg ár þótt ég sé ekki eins snöggur og á árum áður. Eftir fyrstu leikina sé ég ekki eftir að hafa tekið eitt ár í viðbót.“ Eftir tvo leiki á útivelli í tveimur fyrstu umferðunum þá leika Akureyringar loksins á heimavelli á fimmtudagskvöldið þegar Stjarnan kemur í heimsókn. „Ég vona að Akureyringar komi og styðji við bakið á okkur,“ segir Sverre Andreas Jakobsson en nánar er rætt við hann á meðfylgjandi myndskeiði.
Patrekur: Matti kom inn með kraft í síðari
„Fyrri hálfleikur var ekki góður og engan vegin eins og ég vildi sjá,“ sagði Patrekur Jóhannesson, þjálfari Hauka. Haukar voru þremur mörkum undir í hálfleik, 15:12, en sneru við blaðinu í síðari hálfleik. Patrekur var mun sáttari við síðari hálfleik. Hann sagði að þá hefði Haukahjartað vaknað hjá leikmönnum og þar hefði Matthías Árni Ingimarsson leikið stórt hlutverk. „Seinni hálfleikur var allt annar af okkar hálfu. Ég hef oft verið gagnrýninn á Matta en hann kom með ákveðinn kraft inn í leikinn sem batt leik okkar saman. Adam Haukur var sterkur í síðari hálfleik og Árni Steinn var góður allan leikinn. Við verðum bara að fá alla til þess að stíga í takt,“ sagði Patrekur.
Ítarlegra viðtal er við Patrek á meðfylgjandi myndskeiði.
Hjá vefsíðunni fimmeinn.is tók Lúther Gestsson viðtölin sem hér fara á eftir:
Sigþór: Skítamörk að leka inn hjá okkur
Sigþór Árni Heimisson átti prýðisgóðan leik í liði Akureyrar eins og í fyrsta leik mótsins. Hann ar að vonum óánægður að hafa ekki náð allavega öðru stiginu á móti Haukum í dag, en honum fannst það svolítill vendipunktur að Akureyringar fengu of margar brottvísanir í seinni hálfleik. En að öðru leiti var hann nokkuð sáttur við liðið, þeir hefðu náð að halda lykilmönnum Hauka í skefjum nánast allan fyrri hálfleikinn, en örlítil stemningsleysi hefði gert vart við sig þegar líða fór á.
Kristján: Helv... Haukarnir ná alltaf að bakka
Kristján Orri Jóhannesson hornamaður Akureyrar var svekktur að hafa tapað seinni hálfleiknum á móti Haukum. Akureyringar fengu tækifæri til að jafna undir lokin en hann sagði að hugsanlega hefði mátt gera betur þar, en leikhléin hefðu verið búinn og lítið sem hægt hefðu verið hægt að gera þar.
Adam Haukur: Ég var ömurlegur í fyrri hálfleik
Adam Haukur Baumruk var sáttur að fá bæði stigin úr leiknum á móti Akureyri. Flestir hefðu verið slakir í fyrri hálfleik og menn ekki að sýna sitt besta, hann sjálfur hefði verið slakur í fyrri hálfleiknum og lítið annað að gera en að rífa sig upp.
Patrekur: Það var einhver hundur í mér fyrir leikinn
Patrekur var ósáttur við margt í dag og var sammála um að þetta hefði verið leikur tveggja hálfleika. Stundum gerist þetta sagði hann og allt liðið hefði verið slakt í fyrri hálfleik. Það er ennþá hellingsvinna eftir í að móta liðið. Fullt af mönnum eru enn að mótast. Hjartað þarf að vera til staðar og ég óska þess að leikmenn taki það með sér í næsta leik á móti FH sagði Patti í lokinn.
Sömuleiðis eru viðtöl við Sverre og Patrek á sport.is
Sverre Jakobsson: Viljinn var til staðar
Patrekur Jóhannesson: Þurftum að hafa mikið fyrir þessu
Erfiður útileikur framundan
21. september 2014 - Akureyri handboltafélag skrifar
Útileikur gegn Haukum í dag, sunnudag
Það er stutt á milli fyrstu leikja í Olís-deildinni og Akureyrarliðið heldur í Hafnarfjörðinn í dag til móts við meistaralið Hauka. Sem kunnugt er þá urðu Haukar bæði deildar- og bikarmeistarar í fyrra.
Patrekur Jóhannesson þjálfar Hauka líkt og áður, en nokkrar breytingar hafa orðið á liðinu frá því í fyrra.
Patrekur á hliðarlínunni gegn Fram á fimmtudaginn
Elías Már Halldórsson er sem kunnugt er kominn til liðs við Akureyri, skyttan Sigurbergur Sveinsson farinn til Þýskalands og hornamaðurinn Þórður Rafn Guðmundsson til Noregs. Nokkrir hafa að sjálfsögðu komið til liðsins, t.d. línumaðurinn Heimir Óli Heimisson sem sneri heim frá Svíþjóð.
Haukarnir fengu extra undirbúningsleiki fyrir tímabilið þegar þeir léku tvo hörkuleiki gegn rússneska liðinu Dinamo Astrakhan og voru virkilega óheppnir að falla úr EHF keppninni.
Líkt og Akureyri hófu Haukar leik í Olís-deildinni á fimmtudaginn þar sem þeir töpuðu 21-22 fyrir Fram í miklum baráttuleik. Í þeim leik var landsliðsmaðurinn Árni Steinn Steinþórsson langmarkahæstur með 9 mörk og ljóst að Akureyrarvörnin þarf að stöðva hann. Hinn stórgóði Adam Haukur Baumruk kom næstur með 3 mörk og aðrir minna.
Árni Steinn í leiknum gegn Fram á fimmtudaginn. Myndir fimmeinn.is
Þetta verður pottþétt hörkuleikur og ástæða til að hvetja alla stuðningsmenn á suðvesturhorninu til að fjölmenna á leikinn sem hefst klukkan 15:00 í Schenkerhöllinni.
Eins og menn muna þá fékk skyttan unga, Brynjar Hólm Grétarsson beint rautt spjald í leik Akureyrar gegn HK á fimmtudaginn og trúlega á leið í leikbann. Aganefnd HSÍ fundar reyndar ekki fyrr en á þriðjudaginn þannig að Brynjar er ekki í banni í leiknum á morgun.
Við gerum ráð fyrir að verða með beina textalýsingu frá leiknum hér á heimasíðunni.
Úrvalsdeild karla
Senda skilaboð
Vefur KA
Vefur Þór
Fréttaleit
Textalýsing frá leiknum
Tölfræði leiksins 
Senda á Facebook