Warning: Undefined array key "frettanr" in /web/akhandadmin/public_html/index.php on line 15 Akureyri og Stjarnan gerðu jafntefli í spennuleik - Akureyri Handboltafélag
Dómarar: Arnar Sigurjónsson og Svavar Ólafur Pétursson
Umfjöllun
Tengdar fréttir
Spurning hvort Sverre sé á leið til Katar
24. nóvember 2014 - Akureyri handboltafélag skrifar
Viðtöl eftir leik Stjörnunnar og Akureyrar
Nokkur viðtöl eru komin í fjölmiðla eftir leikinn í Garðabænum. Á visir.is eru viðtöl Ingva Þórs Sæmundssonar við Sverre Andreas Jakobsson og Skúla Gunnsteinsson, þjálfara Stjörnunnar. Vídeóviðtöl eru við sömu aðila á sport.is og loks eru stutt viðtal á fimmeinn.is við Ara Magnús Þorgeirsson leikmann Stjörnunnar sem braut gróflega á Sigþóri Árna Heimissyni í lok leiksins og fékk að launum beint rautt spjald. En byrjum að viðtölum Ingva Þórs af visir.is
Sverre: Fögnum einu og grátum annað
„Maður er alltaf svekktur að fá bara eitt stig þegar það er möguleiki á tveimur. Við vorum með þetta í hendi okkar undir lokin og það var kannski óþarfi að gefa þeim þetta stig,“ sagði Sverre Jakobsson, aðstoðarþjálfari og leikmaður Akureyrar, eftir jafnteflið gegn Stjörnunni í dag.
„En heilt yfir og miðað við ástandið á liðinu verðum við fagna því að hafa náð að búa til skemmtilegan leik úr þessu,“ bætti Sverre við, en mikil meiðsli eru í herbúðum Akureyrar þessa dagana. Liðið var t.a.m. aðeins með níu leikfæra útileikmenn í dag.
„Eins og þú sást vorum við varla með mann á bekknum og það er ekkert auðvelt. En það sýnir karakterinn í liðinu að hafa náð að vinna sig út úr þessu, jafna leikinn og búa til forskot sem við hefðum með smá heppni getað haldið. Í dag fögnum við einu stigi og grátum annað,“ sagði Sverre að lokum.
Sverre léttur eftir Haukaleikinn í síðustu umferð
Skúli: Spiluðum frábæra vörn á köflum
„Þetta var hörkuleikur og varnirnar voru flottar. Við spiluðum frábæra vörn á köflum og mér fannst við vera betri aðilinn og á góðum degi hefðum við klárað þetta. En sóknin brást okkur aðeins í seinni hálfleik og við komum okkur í óþarflega erfiða stöðu sem við reyndar unnum okkur út úr,“ sagði Skúli Gunnsteinsson, þjálfari Stjörnunnar, eftir jafnteflið gegn Akureyri í TM-höllinni í dag.
Hann var þó sáttur að sínir menn hefðu náð stigi eftir að hafa verið þremur mörkum undir seint í leiknum. „Heilt yfir var gríðarlegur karakter að koma til baka og ná þessu stigi. Og miðað við stöðuna sem við vorum komnir í erum við sælir með stigið.
Stjörnumenn byrjuðu leikinn vel og komust í þrígang fjórum mörkum yfir, en um miðjan fyrri hálfleik komust Akureyringar inn í leikinn. „Við hættum að vanda okkur á þessum kafla. Við ætluðum að vera pínu snjallir í vörninni, það var planið fyrir leikinn, en við vorum óskynsamir. Svo klikkuðum við á þremur vítum og hraðaupphlaupum og við vorum ekki að skjóta nógu vel á markið.
„En ég er ánægður með endurkomuna, varnarleikurinn hefur tekið miklum framförum að undanförnu og sóknarleikurinn var góður í seinni hálfleik,“ sagði Skúli að lokum.
Á vefnum fimmeinn.is er viðtal við Ara Magnús Gestsson sem Lúther Gestsson tíðindamaður vefsins er skrifaður fyrir:Ari: Var bara að hindra að þeir gerðu sigurmark“Ari Magnús Þorgeirsson leikmaður Stjörnunnar fékk að líta beint rautt spjald á 60 mínútu á móti Akureyri, þegar hann tók hraustlega á móti Sigþóri Árna Heimissyni leikstjórnanda Akureyringa. Við heyrðum í Ara eftir leikinn og hans mat á þessari brottvísun, en margir vildu meina að hann hefði einfaldlega verið að bjarga stiginu fyrir heimamenn. „Ég ætlaði að reyna að stoppa hann löglega, en það má vel vera að þetta hafi verið of gróft. Ég var bara að reyna hindra að þeir skoruðu sigurmark. Ef þetta hefði ekki gerst í lok leiks hefði ég sennilega bara fengið tvær mínútur. Ég vona þó að ég sleppi við leikbann“.
Aðspurður um leik sinna manna sagði Ari, „Við vorum að spila vel í fyrri hálfleik, svona lengst af, en vorum klaufar að missa niður gott forskot í lok hálfleiksins. Við sýndum góðan karakter í lokin, vorum komnir þremur mörkum undir, og náðum í þýðingarmikið stig. Þetta er allt á réttri leið hjá okkur“.
Ari Magnús (númer 19) glímir hér við Sigþór Árna í fyrri leik liðanna
Á vefnum sport.is eru vídeóviðtöl Þorsteins Hauks Harðarsonar við þá Sverre og Skúla Gunnsteinsson
Sverre: Verð að hrósa liðinu
Skúli: Heilt yfir vorum við betri
Stjörnumenn eru gríðarlega seigir
20. nóvember 2014 - Akureyri handboltafélag skrifar
Akureyri mætir Stjörnunni í Garðabæ á laugardaginn
Eftir þrjá heimaleiki í röð snýst dæmið heldur betur við og framundan eru þrír útileikir í Olís-deildinni. Sá fyrsti er á laugardaginn, klukkan 16:00 en þá halda strákarnir í Garðabæinn og mæta þar Stjörnunni.
Liðin mættust hér í Íþróttahöllinni þann 25. september og var sá leikur afar kaflaskiptur. Stjarnan var mun betri aðilinn fyrstu fjörtíu mínútur leiksins en Akureyri tók völdin á vellinum síðustu tuttugu mínúturnar og landaði fjögurra marka sigri, 31-27.
Eftir 11 umferðir hefur Stjarnan unnið þrjá leiki, tvo gegn HK, báða með einu marki og þá unnu þeir góðan heimasigur á ÍR í 9. umferðinni en leiknum lauk 26-24. Þá gerði Stjarnan jafntefli á útivelli gegn Haukum í skrautlegum leik í 4. umferðinni þar sem Stjörnumenn voru reknir af velli í stórum stíl og enduðu leikinn með tvo menn inná.
Stjörnuliðið hefur á stundum vantað herslumuninn til að ná stigum úr öðrum leikjum, töpuðu með einu marki gegn ÍBV og Fram og með tveimur gegn Val þannig að það er alveg á hreinu að það býr heilmikið í liðinu. Þeirra atkvæðamestir í markaskorun hafa verið Andri Hjartar Grétarsson 49, Egill Magnússon 45, Ari Magnús Þorgeirsson 37 og Þórir Ólafsson með 35 mörk.
Egill Magnússon var valinn besti maður Stjörnunnar þegar liðin mættust í Íþróttahöllinni
Þórir Ólafsson er einn mikilvægasti leikmaður Stjörnunnar
Stjarnan vann HK í síðustu umferð 27-28 þar sem Egill Magnússon skoraði 8 mörk og Andri Hjartar 6. Þar á undan töpuðu þeir gegn Aftureldingu 22-28 þar sem Ari Magnús skoraði 6 mörk og Víglundur Jarl Þórsson 4. Og ef við förum einum leik lengra þá var það sigurleikurinn gegn ÍR, 26-24 þar sem Andri Hjartar var með 8 mörk, Þórir með 6 og Ari Magnús 5 mörk.
Eftir skakkaföllin í leikmannahópi Akureyrar gegn Haukum getur það orðið höfuðverkur hjá Atla Hilmarssyni að stilla upp liði í leiknum. Þannig er afar ólíklegt að Heimir Örn Árnason og Brynjar Hólm Grétarsson verði leikfærir og tvísýnt með Ingimund og Andra Snæ. Þetta skýrist þó allt á næstu dögum en við hvetjum alla stuðningsmenn liðsins til að mæta í TM-Höllina, eða Mýrina í Garðabænum á laugardaginn og taka þátt í baráttunni.
Úrvalsdeild karla
Senda skilaboð
Vefur KA
Vefur Þór
Fréttaleit
Textalýsing frá leiknum
Tölfræði leiksins 
„Þetta var hörkuleikur og varnirnar voru flottar. Við spiluðum frábæra vörn á köflum og mér fannst við vera betri aðilinn og á góðum degi hefðum við klárað þetta.
Senda á Facebook