Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Unglingaflokkur kvenna leikur í efri deildinni í ár 19. september 2006 - ÁS skrifar  Unglingaflokkur kvenna í efri deildina Unglingaflokkur kvenna lék um helgina í forkeppni þar sem keppt var um laus sæti í efri deild flokksins. Stelpurnar stóðu sig ótrúlega vel og tryggðu sér sæti í efri deildinni. Það verður gaman að sjá hvernig stelpunum mun ganga í vetur en við skulum kíkja á leiki liðsins um nýliðna helgi. Leikið var í Safamýri og var fyrsti leikur við Hauka 2. Með öflugri vörn í fyrri hálfleik þá náði lið Akureyrar góðri forystu og leiddu þær í hálfleik 10-4. Stelpurnar slökuðu svo aðeins á í seinni hálfleik en sigurinn var aldrei í hættu og voru lokatölur 22-17. Næst var leikið við FH og var sigur Akureyrar aldrei í hættu en staðan var 10-3 í hálfleik og í seinni hálfleik bættu stelpurnar bara við og lokatölur voru Akureyri 23 FH 7. Næsti leikur var gegn virkilega öflugu liði Fram. Fram er með virkilega öflugt lið sem varð deildarmeistari á síðustu leiktíð. Lið Akureyrar komst aldrei í takt við leikinn, í hálfleik var staðan 14-7 fyrir Fram og lokatölur voru svo 27-18 fyrir Fram. Í síðasta leiknum tóku stelpurnar lið Völsungs í kennslustund en í hálfleik var staðan 18-7 og lokatölur voru svo 37-10. Þessi úrslit þýða það að lið Akureyrar í unglingaflokki kvenna tryggði sér annað sætið í forkeppninni og fara þær því upp í efri deildina. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson