3 æfingaleikir hjá Akureyri um helgina

Fréttir

Þú flettir milli frétta með örvalyklunum eða smellir á bláu örvarnar!


Heiðar Aðalsteinsson hefur verið að spila vel á undirbúningstímabilinu og lofar mjög góðu fyrir veturinn		21. september 2006 - SÁ skrifar 3 æfingaleikir hjá Akureyri um helgina Um helgina mun Akureyri Handboltafélag fara suður í ferð að leika þrjá æfingaleiki á tveimur dögum. Tæpar 2 vikur eru í fyrsta leik og liðin því á seinustu metrum undirbúningi síns fyrir Íslandsmótið. Á Sjallamótinu náði lið Akureyrar ekki að spila á sínu sterkasta liði því þá var m.a. Hörður Fannar Sigþórsson erlendis, einnig voru menn eins og Magnús Stefánsson ekki alveg orðnir klárir af meiðslum. Liðið verður hins vegar í leikjunum þremur skipað leikmönnum sem munu spila fyrir Akureyri í byrjun Íslandsmótsins og er það afar kærkomið að liðið fái leiki með þeim mannskap. Í liðið mun þó auðvitað enn vanta landsliðsmarkmanninn Hreiðar Levý Guðmundsson sem verður vonandi klár í byrjun nóvember af bátsbeinsmeiðslum sínum. Fyrsti leikurinn hjá Akureyri er við Hauka á morgun, föstudag, klukkan 18:00. Á laugardaginn verða svo tveir leikir, sá fyrri klukkan 9:00 gegn Víkingi og sá síðari í hádeginu gegn Fylki. Ljóst er að um hörku æfingaleiki er þarna að ræða en bæði Haukar og Fylkir munu berjast við Akureyri í vetur. Heimasíðan mun að sjálfsögðu greina frá leikjunum um leið og unnt er og fara í allt það markverðasta frá þeim.
Fletta milli frétta	Til baka Senda á Facebook