SS-Bikarinn: Akureyri mætir Selfossi á morgun

Fréttir

Þú flettir milli frétta með örvalyklunum eða smellir á bláu örvarnar!


Selfoss liðið er svolítið spurningamerki		17. október 2006 - ÁS skrifar SS-Bikarinn: Akureyri mætir Selfossi á morgun Á morgun fer karlalið Akureyrar til Selfoss til að leika í 32-liða úrslitum SS-Bikarsins. Það vita allir hve mikilvæg bikarkeppnin er og verður gaman að sjá hvernig Akureyri mun vegna í bikarkeppninni. Selfoss er að leika í 2. deildinni og er með nokkuð öflugt lið. Selfoss gerði jafntefli við Víking/Fjölni í síðasta leik á útivelli. Fyrir það tapaði liðið gegn Haukum 2 á útivelli og verður bikarleikurinn við Akureyri fyrsti heimaleikur Selfoss á tímabilinu. Það er ljóst að þetta verður stærsti leikur Selfoss manna á tímabilinu og það er alveg öruggt að þeir munu gefa sig alla í leikinn. Sebastian Alexandersson þjálfari liðsins lagði skóna á hilluna í leik gegn KA á síðasta tímabili en það er aldrei að vita nema hann dragi fram skóna fyrir leikinn. Þá mun Arnar Gunnarsson fyrrum leikmaður Þórs væntanlega verða í leikmannahópi liðsins. Rúnar Sigtryggsson og Hörður Fannar Sigþórsson sem fengu rautt spjald í leiknum gegn Haukum mega spila leikinn en verða í banni í leiknum við Fylki sem er næsti leikur í deildinni.
Fletta milli frétta	Til baka Senda á Facebook