Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Atli var öflugur á línunni í dag 17. febrúar 2007 - SÁ skrifar  2. flokkur: Flottur sigur á Stjörnunni Það er ekki bara meistaraflokkur Akureyrar sem leikur við Stjörnuna þessa helgi því 2. flokkur mætti þeim einnig í dag. Eftir jafnan leik í fyrri hálfleik vann Akureyri flottan sigur 36-29 en allt annað var sjá liðið spila og frammistaðan í dag afar góð. Akureyri komst í 2-0 en Stjarnan var ekki lengi að jafna í 2-2. Jafnræði var svo með liðunum út allan fyrri hálfleikinn en Akureyri þó alltaf skrefinu á undan. Það var svo ekki fyrr en 3 mínútur voru eftir af fyrri hálfleik að Stjarnan náði að komast yfir og staðan þá 12-13. Akureyri kláraði hálfleikinn hins vegar afar vel og leiddi 14-13 þegar liðin gengu til búningsherbergja. Í seinni hálfleik stórbætti Akureyri leik sinn og sóknarleikur liðsins orðinn margfalt betri. Í fyrri hálfleik voru menn að hanga of mikið á boltanum og ekki nógu hratt spilað. Í seinni hálfleik var komið miklu hraðara tempó sem leiddi til þess að Akureyri kláraði í raun leikinn á fyrstu 10 mínútum seinni hálfleiks en þá hafði Akureyri skorað 10 mörk í seinni hálfleiknum og staðan 24-18. Út leikinn var Akureyri svo að spila flottan og hraðan bolta sem leiddi til 36-29 sigurs. Eins og áður kom inná var allt annað að sjá leik Akureyrar í dag frá seinustu leikjum en ólíkt því sem áður var virtust leikmenn liðsins njóta þess að spila. Það skilaði sér í frábærum og skemmtilegum sóknarleik. Með alla þessa menn innanborðs er það krafa á liðið að þeir leiki eins vel og þeir gerðu í dag, einkum í síðari hálfleik. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson