Landslið: Andri og Ester farin út

Fréttir

Þú flettir milli frétta með örvalyklunum eða smellir á bláu örvarnar!


Landsliðsfólkið Andri og Ester		6. apríl 2007 - ÁS skrifar Landslið: Andri og Ester farin út Andri Snær Stefánsson og Ester Óskarsdóttir leikmenn úr Akureyri Handboltafélagi voru á dögunum valin í ungmennalandslið Íslands og eru að spila í undankeppnum stórmóta. Andri er í U-21 árs landsliði Íslands sem er í undankeppni HM en Ester er í U-19 ára landsliði Íslands sem er í undankeppni EM. Andri og félagar hans leika á Spáni og mæta þar Austurríki, Spánverjum og Svissverjum. Aðeins eitt lið fær keppnisrétt á HM og því mikið í húfi. Lið Íslands er afar vel mannað en allt eru þetta strákar sem eru að leika stórt hlutverk í meistaraflokki. Strákarnir hefja leik í dag gegn Austurríki, á morgun mæta þeir Spánverjum og á sunnudag mæta þeir Sviss. Ester og liðsfélagar hennar leika hinsvegar í Rússlandi, nánar tiltekið í Moskvu. Þar mætir Ísland liði Rússa og Grikkja. Aðeins eitt lið nælir sér í sæti á EM og því eins og hjá strákunum mikið undir. Stelpurnar hefja leik á morgun og verður þá leikið gegn Grikkjum en á sunnudag gegn Rússum. Heimasíðan mun flytja fréttir af gengi liðanna og óskar Andra og Ester ásamt liðsfélögum þeirra góðs gengis.
Fletta milli frétta	Til baka Senda á Facebook