Magnús og Sveinbjörn semja til þriggja ára

Fréttir

Þú flettir milli frétta með örvalyklunum eða smellir á bláu örvarnar!


Magnús og Sveinbjörn verða áfram á Akureyri		6. maí 2007 - ÁS skrifar Magnús og Sveinbjörn semja til þriggja ára Magnús Stefánsson og Sveinbjörn Pétursson skrifuðu í gær undir þriggja ára samning við Akureyri Handboltafélag. Samningarnir ná því til vorsins 2010, en eru uppsegjanlegir af beggja hálfu vorið 2009. Það er ljóst að þetta eru gríðarlega góðar fréttir fyrir Akureyri Handboltafélag en Magnús og Sveinbjörn eru mjög öflugir leikmenn og gott að halda þeim í herbúðum liðsins. Í Fréttablaðinu í morgun var greint frá því að Magnús hefði gert tveggja ára samning sem væri uppsegjanlegur eftir eitt ár en það er rangt og leiðréttist hér með. Magnús er öflug vinstri skytta og er 201 cm á hæð. Magnús er 23 ára gamall og skoraði 109 mörk í 23 leikjum með Akureyri í vetur. Sveinbjörn Pétursson er ungur og efnilegur markvörður en Sveinbjörn er á 19 aldursári. Sveinbjörn varði 149 skot í 24 leikjum í vetur með Akureyri.
Fletta milli frétta	Til baka Senda á Facebook