5 frá Akureyri í unglingalandsliðum kvenna

Á dögunum var valið í æfingahóp fyrir U-17 ára landslið kvenna og einnig í æfingahóp fyrir U-19 ára landslið kvenna. Alls voru 5 stelpur frá Akureyri valdar, fjórar í U-17 og ein í U-19. Ljóst er að þetta er mikill heiður fyrir stelpurnar og gaman verður að sjá hvernig þeim muni ganga á landsliðsæfingunum.

Þær sem voru valdar í U-17 ára landsliðið eru Arna Erlingsdóttir, Emma Havin Sardarsdóttir, Kara Rún Árnadóttir og Unnur Ómarsdóttir.
Í U-19 ára landsliðinu var Ester Óskarsdóttir valin.

Þessir landsliðshópar munu æfa á föstudag og laugardag. Þjálfari U-17 er Guðríður Guðjónsdóttir og henni til aðstoðar er Hafdís Guðjónsdóttir. Hjá U-19 er Stefán Arnarson þjálfari.

Heimasíðan óskar stelpunum hjartanlega til hamingju með að hafa verið valdar og vonar að þeim takist að sýna sitt besta á æfingunum, en þær hafa allar leikið með meistaraflokki Akureyrar.

Emma Havin Sardarsdóttir	Unnur Ómarsdóttir
Kara Rún Árnadóttir	Ester Óskarsdóttir