Allt sem þú vildir vita um Önnu Teresu
| | 2. nóvember 2007 - Akureyri handboltafélag skrifarAnna Teresa og Einar Logi sýna á sér hina hliðinaÁ vefsíðunni handbolti.is hafa nokkrir leikmenn verið fengnir til að sýna á sér hina hliðina. Þann 31. október var Anna Teresa í slíkri yfirheyrslu sem við birtum hér að neðan. Í kjölfarið var tekið viðtal við Einar Loga, unnusta Önnu, í búningsklefanum í Eyjum. Kíkjum á viðtalið við Önnu og þar fyrir neðan er linkur á viðbrögð Einars Loga.
Unnusti minn ekki nógu heitur
Við höfum fengið Önnu Teresa Morales, leikmann Akureyrar, til að sýna á sér hina hliðina að þessu sinni.
Fullt nafn: Anna Teresa Morales
Aldur: 22
Gift/sambúð? Í sambúð með Einari Loga
Börn: Óskar Arnór 8 mánaða
Hverjir eru þínir helstu kostir sem persóna? Læt aðra um að dæma þetta (er þett ekki týpískt svar?) (innskot www.handbolti.is).
En helstu gallar sem persóna? Skapstór og stundum of ákveðin (grey Einar Logi) (innskot www.handbolti.is).
Uppáhaldsdrykkur? Vatn og mjólk.
Ertu hjátrúarfull fyrir leiki? Já stundum, ef það gengur vel og ég er kannski í einhverju sem ég hef ekki spilað áður í þá fer ég í það aftur.
Hvaða liði myndir þú vilja spila með? FCK og alltaf draumur að spila með A-landsliðinu.
Hvaða liði mundir þú aldrei spila með? Aldrei að segja aldrei.
Erfiðasti andstæðingurinn? Oftast er það ég sjálf (já það getur verið erfitt að spila við sjálfa sig) (innskot www.handbolti.is).
Besti samherjinn? Bara allar gellurnar í liðinu mínu.
Sætasti sigurinn? Íslandsmeistari í unglingaflokki 2001 á móti stjörnunni, ég bíð ennþá eftir honum í meistaraflokki.
Mestu vonbrigði? Staða okkar í deildinni núna.
Besta vinkona þín úr handboltanum? Þær eru nokkrar og ekki hægt að gera upp á milli þeirra (alltaf sama feimnin við að særa einhverja, auðvitað áttu einhverja betri vinnkonu en aðra) (innskot www.handbolti.is).
Uppáhalds erlent handboltalið? Flensburg.
Uppáhalds handboltakonan? Anja Althaus.
Besti íslenski handboltakonan í gegnum tíðina? Herdís Sigurbergsdóttir.
Efnilegast handboltastúlkan á landinu? Þorgerður Anna Atladóttir.
Fallegasti handboltamaðurinn? Florian Kerhman er klárlega flottastur en Lars Christiansen er fallegastur ásamt honum Andra Snæ, stelpur eigum við eitthvað að ræða hann...(greinilega búin að fá nóg af sínum Einari Loga) (innskot www.handbolti.is).
Grófasti leikmaður deildarinnar? Guðrún Helga í FH eða Ásdís í Stjörnunni.
Besti íþróttafréttamaðurinn? Þeir eru allir eins.
Ekki besti íþróttafréttamaðurinn? Þeir sem segja lítið frá handboltanum.
Hvernig gemsa áttu? Bleikan Motorola V3.
Uppáhaldssjónvarpsefni? Aðþrengdar eiginkonur, Greys og margt fleira.
Besta bíómyndin? Þær eru rosalega margar en ég get alltaf hlegið yfir Dumb and Dumber og alltaf grátið yfir Notebook.
Hvaða tónlist hlustar þú á? ég hlusta eiginlega bara á allt en finnst Queen rosalega góðir.
Uppáhaldsútvarpsstöð? Engin sérstök... hlusta bara á það sem að spilar góð lög.
Uppáhalds vefsíða? http://www.hand.ka-sport.is/ , http://www.mflkvakureyri.bloggar.is/
Hvaða stúlka í liðinu er heitust? Það er klárlega Jóhanna Tryggvadóttir.
Segðu okkur frá skemmtilegu atviki sem gerst hefur tengt handboltanum? Vá mér dettur ekkert í hug eins og er...
Ef þú mættir koma með eina ábendingu til dómara, hver mundi hún vera ? Held ég segji bara pass hér, það er öruggara.
Hvað finnst þér leiðinlegast að gera á æfingu? Upphitun nema farið er í fótbolta.
Hver er frægasta persónan sem þú ert með í farsímanum þínum? Arnór Atlason (allt er kallað frægt fyrir Norðan) (www.handbolti.is).
Áttu önnur áhugmál fyrir utan handboltan? Íþróttir almennt bara eða horfa á góða mynd.
Ertu trúuð? Ja svona bæði og (hvernig trú er það?) (innskot www.handbolti.is).
Hver er uppáhalds skemmtistaðurinn þinn? Music Park í Þýskalandi :-) það verða allir að prófa að fara þangað ...en hérna á Akureyri er það bara gamli góði Sjallinn (er eitthvað annað í boði?) (innskot sveitmannsins frá www.handbolti.is).
Hver er uppáhalds matsölustaðurinn þinn? Greifinn (Norðamenn alltaf stoltir af sínu) (innskot www.handbolti.is).
Hér er svo hægt að horfa á viðbrögð Einars Loga |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu