Strákarnir í 2. flokki unnu HK í gær (uppfært)

Fréttir

Þú flettir milli frétta með örvalyklunum eða smellir á bláu örvarnar!


Arnar átti prýðisleik í markinu í gær		3. nóvember 2007 - Akureyri handboltafélag skrifar Strákarnir í 2. flokki unnu HK í gær (uppfært) Í gær léku strákarnir í 2. flokki Akureyrar við HK í Kópavogi. Strákarnir spiluðu glimrandi leik og unnu öruggan níu marka sigur. Fyrirfram mátti búast við hörkuleik en eftir að hafa lent 1-0 undir skelltu strákarnir í gírinn og breyttu stöðunni í 1-6. Forskotið hélst í fimm mörkum áfram næstu mínútur. Strákarnir bættu örlítið við í restina á hálfleiknum og leiddu 9-16 í hálfleik. Í síðari hálfleik minnkaði forskot okkar manna aldrei og bættu þeir heldur við ef eitthvað var. Forskotið var þó aðeins rokkandi eins og gengur og gerist en þegar upp var staðið voru lokatölur 24-33 fyrir Akureyri og ljóst að strákarnir höfðu landað fyrstu tveim stigum ársins í fyrsta leik tímabilsins. Spilamennskan var virkilega góð í leiknum og stóðu allir leikmenn sig virkilega vel. Mikill baráttuandi var í liðinu sem virkilega skilaði sér í samheldni leikmanna.
Fletta milli frétta	Til baka Senda á Facebook