Okkar menn eru nokkuð áberandi á tölfræðilistanum
| | 9. nóvember 2007 - Akureyri handboltafélag skrifarFréttablaðið tekur saman tölfræði úr fyrsta fjórðungnumFyrsti fjórðungur N1 deildarinnar er búinn og af því tilefni tók Fréttablaðið saman í dag ítarlega tölfræði. Leikmenn Akureyrar skipa að sjálfsögðu nokkuð stóran sess og ætlum við hér að rýna aðeins í tölfræði okkar manna. Þá viljum við hrósa Fréttablaðinu fyrir þetta góða framtak og gaman að sjá að handboltinn er að fá flotta umfjöllun í blaðinu.
Markahæstu menn
Magnús Stefánsson og Goran Gusic eru jafnir í öðru til þriðja sæti yfir markahæstu menn mótsins með 45 mörk. Maggi hefur skorað 3 úr vítum en Goran 13. Andri Snær Stefánsson kemur næstur Akureyringa í 15. sæti með 29 mörk, ekkert úr vítum. Efstur á listanum er Jóhann Gunnar Einarsson úr Fram með 50 mörk, 5 úr vítum.
Flest varin skot
Sveinbjörn Pétursson markvörðurinn knái er í fjórða sæti yfir flest varin skot í deildinni. Hann hefur varið 80 skot en ekkert víti. Sveinbjörn er svo í 10. sæti yfir bestu hlutfallsmarkvörslu. Sveinbjörn hefur varið 36,2% af þeim skotum sem hann hefur fengið á sig. Davíð Svansson í Aftureldingu og Björgvin Páll Gústavsson úr Fram hafa varið flest skot eða 114. Pálmar Pétursson í Val hefur hinsvegar bestu hlutfallsmarkvörslu í deildinni, hefur varið 43,2% þeirra skota sem hann hefur fengið á sig.
Flest varin víti
Hörður Flóki Ólafsson er í þriðja sæti yfir flest varin víti, en hann hefur varið 4 mörk. Gaman að sjá Flóka svona hátt á listanum en hann hefur aðeins leikið þrjá leiki í deildinni. Efstur er fyrrverandi markvörður KA, Egidijus Petkevicius, sem nú leikur með HK með 7 varin víti.
Flest fiskuð víti
Magnús Stefánsson 2.-5. sæti yfir flest fiskuð víti, en Maggi hefur alls fiskað 7 stykki. Efstur á blaði er Nikolav Kulikov í ÍBV með 8 fiskuð víti.
Flest mörk útileikmanna án marka úr vítum
Magnús Stefánsson er í öðru sæti með 42 mörk, efstur er Jóhann Gunnar Einarsson úr Fram með 45 mörk.
Flest mörk hornamanna án marka úr vítum
Goran Gusic er annar markahæsti hornamaðurinn í deildinni með 32 mörk. Andri Snær Stefánsson er þriðji með 29 mörk. Efstur er Freyr Brynjarsson úr Haukum með 36 mörk.
Flest hraðaupphlaupsmörk
Andri Snær Stefánsson er í 6.-8. sæti yfir flest mörk skoruð úr hraðaupphlaupum, en Andri hefur gert 9. Í 9.-11. er Goran Gusic með 8 mörk. Efstur á blaði er Freyr Brynjarsson úr Haukum með 18.
Besta skotnýting
Heiðar Þór Aðalsteinsson er í 17. sæti yfir bestu skotnýtingu með 13 mörk úr 21 skoti (61,9%). Goran Gusic er í 20. sæti með 45 mörk úr 74 skotum (60,8%). Efstur er Jón Heiðar Gunnarsson úr Stjörnunni með 13 mörk úr 14 skotum (92,9%).
Enginn Akureyringur kemst á lista yfir flest mörk á línu fyrir utan vítamörk. Á þeim lista er Nikolav Kulikov úr ÍBV efstur með 20 mörk. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu