Unglingaflokkur kvenna kominn í 8 liða úrslit bikarkeppninnar

Fréttir

Þú flettir milli frétta með örvalyklunum eða smellir á bláu örvarnar!


Frábær helgi hjá stelpunum		7. janúar 2008 - Akureyri handboltafélag skrifar Unglingaflokkur kvenna kominn í 8 liða úrslit bikarkeppninnar Unglingaflokkur kvenna gerði heldur betur góða ferð á suðvesturhornið um helgina. Á föstudagskvöldið léku þær í Kaplakrikanum við heimastúlkur í FH. Strax í fyrri hálfleik gerðu okkar stúlkur út um leikinn og leiddu með elleftu mörkum í hálfleik 7-18. Þær héldu síðan uppteknum hætti í síðari hálfleik og unnu að lokum glæsilegan fjórtán marka sigur 22-36. Á laugardeginum tók við leikur í 16-liða úrslitum bikarkeppninnar við Gróttu á Seltjarnarnesi. Stelpurnar héldu uppteknum hætti frá deginum áður og kláruðu leikinn í raun í fyrri hálfleik þar sem þær höfðu sex marka forystu í hálfleik 7-13. Sigurinn var síðan aldrei í hættu og lauk leiknum með öruggum sigri Akureyrar 21-27. Stelpurnar eru því komnar í átta liða úrslit bikarsins og munu þá mæta FH. Við óskum stelpunum að sjálfsögðu til hamingju með frábæran árangur.
Fletta milli frétta	Til baka Senda á Facebook