Bikarstemming - unglingaflokkur kvenna í undanúrslit

Fréttir

Þú flettir milli frétta með örvalyklunum eða smellir á bláu örvarnar!


Glæsilegur árangur hjá unglingaflokki kvenna		30. janúar 2008 - Akureyri handboltafélag skrifar Bikarstemming - unglingaflokkur kvenna í undanúrslit Í dag lék unglingaflokkur kvenna sinn annan leik á árinu við FH í Kaplakrikanum. Að þessu sinni áttust liðin við í 8-liða úrslitum bikarkeppninnar og virðist sem Akureyrarstúlkur kunni vel við sig í Kaplakrikanum því þær kláruðu leikinn í dag með stæl og unnu níu marka sigur 21-30. Þar með eru þær komnar í 4-liða úrslit en við verðum að bíða eftir fréttum um hverjir verða andstæðingar þeirra þar. Eins og áður kom fram var þetta önnur viðureign þeirra við FH í janúar en þann 4. janúar unnu þær FH-stúlkur með fimmtán marka mun 22-37. Stelpurnar hafa verið á góðri siglingu eftir áramótin, búnar að vinna fimm leiki af sex og vonandi að þær haldi þessari keyrslu áfram. Við óskum stelpunum til hamingju með að vera komnar í undanúrslit bikarkeppninnar.
Fletta milli frétta	Til baka Senda á Facebook