Sigríður Þorbjörnsdóttir átti frábæra innkomu í sínum fyrsta meistaraflokksleik
| | 5. febrúar 2008 - Akureyri handboltafélag skrifarAfleitur fyrri hálfleikur hjá stúlkunum varð þeim að falliÞað voru töluverðar væntingar um að kvennaliði Akureyrar tækist að vinna sér inn fyrstu stig tímabilsins um helgina þegar Árbæjarstelpurnar úr Fylki komu í heimsókn. Óagaður sóknarleikur og hriplekur varnarleikur þar sem mjög skorti upp á samvinnu leikmanna varð Akureyrarstúlkum að falli í leik þeirra við Fylki á sunnudaginn. Fylkisstúlkur fengu fjölmörg hraðaupphlaup eftir óyfirvegaðar sóknartilraunir Akureyrarliðins, sérstaklega í fyrri hálfleik, en staðan í leikhléi var 8-18.
Í síðari hálfleik lagaðist leikur heimaliðsins mikið. Varnarleikurinn varð mun betri og gaf það nokkur hraðaupphlaupsmörk. Ekki tókst þó að vinna upp slakan fyrri hálfleik og lokatölur urðu 20-29 Fylkisstúlkum í vil. Vert er að geta frábærrar innkomu Sigríðar Þorbjörnsdóttur markvarðar en hún er aðeins fimmtán ára gömul og var að leika sinn fyrsta leik með meistaraflokki. Aðrir leikmenn voru nokkuð frá sínu besta. Til að liðið vinni leik þurfa flestir leikmenn að spila nálægt sína besta en því fór fjarri í þessum leik.
Mörk Akureyrar skoruðu: Þórsteina og Ester 5 mörk hvor, Lilja 3, Anna Teresa, Inga Dís og Emma 2 mörk hver og Auður 1.
|
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu