Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Það er mikilvægur leikur hjá Hákoni og félögum á miðvikudaginn 26. febrúar 2008 - Þjálfarar skrifar Kemst 2. flokkurinn í Höllina um helgina? 2. flokkur karla leikur gegn Víkingum í undanúrslitum bikarkeppni HSÍ á miðvikudag klukkan 18 og fer leikurinn fram í KA húsinu. Óhætt er að segja að liðið hafi farið grýtta leið í gegnum bæði 16 og 8 liða úrslitin en strákarnir lögðu FH í 16 liða úrslitunum nokkuð sannfærandi en það er eini leikurinn sem FH ingar hafa tapað í vetur. Í 8 liða úrslitunum vannst svo fimm marka sigur á útivelli gegn Val. Bikarúrslitaleikurinn sjálfur fer svo fram um komandi helgi en hann verður leikinn á sunnudaginn 2. mars í Laugardalshöllinni. Í hinum undanúrslitaleiknum eigast við Stjarnan og HK og fer sá leikur fram í kvöld, þriðjudagskvöld, í Mýrinni. Við hvetjum alla til að mæta í KA húsið kl. 18 á miðvikudag og styðja við bakið á strákunum á leið sinni í úrslitaleikinn. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson