2. fl. karla leikur til úrslita í bikarkeppni HSÍ á sunnudag

Fréttir

Þú flettir milli frétta með örvalyklunum eða smellir á bláu örvarnar!


Strákarnir fóru á kostum í dag		27. febrúar 2008 - Akureyri handboltafélag skrifar 2. fl. karla leikur til úrslita í bikarkeppni HSÍ á sunnudag 2. flokkur karla tók í kvöld á móti Víkingum í undanúrslitum bikarkeppni HSÍ. Er skemmst frá því að segja að Akureyrarstrákarnir unnu stórsigur 41-31 og eru því komnir í úrslitaleik bikarkeppninnar þar sem þeir munu mæta HK í Laugardalshöllinni næsta sunnudag. Jafnræði var með liðunum á upphafsmínútum leiksins og jafnt á öllum tölum upp í 4-4 en fljótlega eftir það tóku heimamenn af skarið og leiddu með fjórum mörkum í hálfleik 19-15. Í síðari hálfleik jókst munurinn jafnt og þétt og lauk leiknum eins og áður segir með öruggum tíu marka sigri 41-31. Heiðar Þór Aðalsteinsson lék ekki með í kvöld en hann meiddist illa á hendi í leik gegn HK um síðustu helgi en á þessari stundu er ekki alveg ljóst hversu alvarleg meiðslin eru en hugsanlega er brotið bein í vinstri höndinni. Það bar til tíðinda að Hákon Stefánsson fékk beint rautt spjald í leiknum og þótti vægast sagt vafasamur dómur. En það er ástæða til að óska strákunum til hamingju með árangurinn og fylgja þeim bestu óskir um gott gengi í úrslitaleiknum næstkomandi sunnudag.
Fletta milli frétta	Til baka Senda á Facebook