2. flokkur karla: Öruggur sigur á HK

Fréttir

Þú flettir milli frétta með örvalyklunum eða smellir á bláu örvarnar!


Arnar og félagar með auðveldan sigur í dag		12. apríl 2008 - Akureyri handboltafélag skrifar 2. flokkur karla: Öruggur sigur á HK Strákarnir í 2. flokki unnu ótrúlega auðveldan sigur á bikarmeisturum HK í dag. Strákarnir tóku leikinn strax í sínar hendur og skoruðu yfirleitt tvö mörk fyrir hvert mark gestanna þannig að í hálfleik var staðan 16-8 heimastrákum í vil. Þess ber þó að geta að í lið HK vantaði þeirra öflugasta leikmann en það verður þó ekki af Akureyrarstrákum tekið að þeir höfðu algjöra yfirburði á öllum sviðum leiksins. Yfirburðirnir héldu áfram í upphafi síðari hálfleiks og náðu strákarni fljótlega tíu marka forystu 20-10 en á þeim tímapunkti var tveim leikmönnum Akureyrar vísað af leikvelli og náðu HK strákar að nýta það til að minnka muninn niður í 20-13. Sá munur hélst lengst af og ekkert nema formsatriði að klára leikinn. Á síðustu mínútum leiksins misstu menn einbeitinguna og HK tókst að forðast stórtap með því að skora síðustu þrjú mörk leiksins sem endaði 30-27. Með þessum sigri komst Akureyri uppfyrir Val og er annað sæti riðilsins nokkuð öruggt en liðið á eftir einn leik í riðlinum og er það heimaleikur gegn Gróttu sem situr neðst í riðlinum.
Fletta milli frétta	Til baka Senda á Facebook