2. flokkur karla: Mikilvægur leikur gegn HK á laugardag

Fréttir

Þú flettir milli frétta með örvalyklunum eða smellir á bláu örvarnar!


Hákon og félagar þurfa að taka á öllu sínu gegn HK		11. apríl 2008 - Akureyri handboltafélag skrifar 2. flokkur karla: Mikilvægur leikur gegn HK á laugardag Á morgun, laugardag er stór dagur hjá 2. flokki karla hjá Akureyri Handboltafélagi þegar strákarnir taka á móti bikarmeisturum HK sem tróna í efsta sæti norður-riðils og hafa raunar tryggt sér sigur í riðlinum. Leikurinn hefur hins vegar mikla þýðingu fyrir okkar stráka því með sigri má segja að þeir séu öruggir með annað sæti riðilsins sem þeir misstu til Vals um síðustu helgi. Valur gerði hins vegar jafntefli gegn Víkingum í gær og fyrir vikið eiga strákarnir alla möguleika á að endurheimta sætið á ný. Til þess verða þeir reyndar að leika betur en þeir gerðu um síðustu helgi. Leikurinn verður í Íþróttahúsi Síðuskóla og hefst klukkan 13:30. Akureyrarstrákar munu örugglega mæta grimmir til leiks enda eiga þeir harma að hefna gegn HK frá því að liðin mættust í úrslitaleik bikarkeppninnar þar sem HK fór með sigur að hólmi. Eins og áður segir þá er mikið í húfi og allir áhugamenn um handbolta hvattir til að fjölmenna á leikinn og hita upp fyrir sunnudagsleikinn þegar sömu lið mætast í meistaraflokki.
Fletta milli frétta	Til baka Senda á Facebook