Heimasíðan
 Fréttir  -   Úrslit  -   Næstu leikir  -   Deildin

    Fréttir                       Þú flettir milli frétta með örvalyklunum eða smellir á bláu örvarnar! 

Rúnar hefði viljað fá alvöru æfingu fyrir leik

11. apríl 2008 - Akureyri handboltafélag skrifar

Ekkert húsnæði fyrir æfingu daginn fyrir leik!

Á sunnudaginn mætir karlalið Akureyrar HK eins og mönnum er vonandi orðið kunnugt. Sú vandræðalega staða er hins vegar uppi að liðið getur ekki æft daginn fyrir leikinn þar sem íþróttahús bæjarins eru ekki tiltæk. Þannig er Íþróttahöllin undirlögð á laugardaginn vegna söngkeppni framhaldsskólanna og í KA heimilinu verður stórt og mikið fimleikamót þennan dag. Ýmsir leikir sem áttu að fara fram í húsunum hafa því verið færðir í Síðuskóla og Glerárskóla. Þannig mun 2. flokkur karla leika gegn HK Í Síðuskóla klukkan 13:30 og einfaldlega engir tímar á lausu fyrir æfingu karlanna.

Rúnar Sigtryggsson þjálfari Akureyrar var ekki alveg par sáttur við þetta og kvað þetta vera í fimmta sinn í vetur sem liðið fengi ekki æfingatíma í íþróttahúsum bæjarins daginn fyrir leik.

Í þessu ljósi má benda á að núna eru tvö íþróttahús í undirbúningi hjá bænum en hvorugt þeirra verður með löglegan handboltavöll miðað við þær upplýsingar sem gefnar hafa verið um þessi hús. Það má því reikna með að þessi vandi verði uppi fyrir boltalið bæjarins á komandi árum ef niðurstaðan verður sú að byggja ekki a.m.k. annað af þessum væntanlegu húsum það stórt að það nýtist til æfinga, að maður tali nú ekki um sem mögulegt keppnishús.
Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson