Straumurinn liggur til Akureyrar Handboltafélags

Fréttir

Þú flettir milli frétta með örvalyklunum eða smellir á bláu örvarnar!


Leikmannahópur Akureyrar eflist stöðugt		5. september 2008 - Akureyri handboltafélag skrifar Straumurinn liggur til Akureyrar Handboltafélags Í gær gengu tveir fyrrum leikmenn Akureyrarliðanna KA og Þór til liðs við Akureyri Handboltafélag. Þetta eru þeir Hreinn Þór Hauksson sem meðal annars varð Íslandsmeistari með KA árið 2002 og Brynjar Þór Hreinsson sem lék með Þór fram til 2002 en gekk þá til liðs við Gróttu/KR. Leiðir þeirra félaga lágu síðan saman þegar þeir léku saman með Fylki undir stjórn Sigurðar Sveinssonar allt þar til félagið hætti að halda úti liði. Hreinn og Brynjar eru sem stendur búsettir í Reykjavík og verið er að fara yfir það hvernig kraftar þeirra munu nýtast liðinu en þetta gefur vissulega ýmiss tækifæri og meiri breidd í hópinn, sérstaklega varðandi útileiki liðsins. Því miður höfum við ekki tiltækar myndir af þeim í augnablikinu en það stendur væntanlega til bóta.
Fletta milli frétta	Til baka Senda á Facebook