Ási og Arnar verða í FH gallanum í vetur
| | 12. september 2008 - Akureyri handboltafélag skrifarSex dagar í fyrsta leik Akureyrar í N1-deildinniFyrsti leikur Akureyrar Handboltafélags verður næstkomandi fimmtudagskvöld, 18. september og hefst klukkan 18:30. Leikurinn verður í Íþróttahöllinni en eins og kunnugt er þá er nýbúið að leggja glæsilegt parketgólf á höllina þannig að og allar aðstæður því gjörbreyttar til hins betra.
Andstæðingur Akureyrar í fyrsta leik er Fimleikafélag Hafnarfjarðar, FH en þeir unnu 1. deildina sannfærandi síðasta vor. Liðið er að mestu skipað ungum og efnilegum leikmönnun sem hafa margir hverjir komið mikið við sögu með unglingalandsliðum Íslands. Þar skal fyrstan telja Aron Pálmason sem þýska stórliðið Lemgo er búið að gera framtíðarsamning við. Þá eru tveir fyrrum leikmenn Akureyrar Handboltafélags, þeir Ásbjörn Friðriksson og markvörðurinn Arnar Sveinbjörnsson komnir í FH gallann.
Þá leikur með liðinu reynsluboltinn Guðmundur Pedersen í vinstra horninu og í sumar kom Hjörtur Hinriksson til liðs við þá frá Fram.
Loks hafa FH-ingar endurheimt markvörðinn Magnús Sigmundsson frá Haukum þannig að það er ljóst að FH mætir með öflugt lið til Akureyrar á fimmtudaginn. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu