Heimasíðan
 Fréttir  -   Úrslit  -   Næstu leikir  -   Deildin

    Fréttir                       Þú flettir milli frétta með örvalyklunum eða smellir á bláu örvarnar! 

Tony lét sig ekki vanta á fundinn

16. september 2008 - Akureyri handboltafélag skrifar

Velheppnaður kynningarfundur í gærkvöldi

Árlegur kynningarfundur Akureyrar Handboltafélags var haldinn í gærkvöldi á Greifanum. Fjölmenni kom á fundinn sem gaf góðar vonir um skemmtilegt og kröftugt starf á komandi tímabili. Greifinn bauð upp á gómsætar veitingar sem kitluðu bragðlaukana. Atli Ragnarsson, formaður félagsins bauð viðstadda velkomna, kynnti dagskrá kvöldsins og fór nokkrum orðum um stuðningsmannaklúbb Akureyrar sem nú er kominn á koppinn. Þá undirrituðu þeir Atli og Ingvar Már Gíslason styrktarsamning Norðlenska við Akureyri.

Leikmenn voru kallaðir upp og hafði Jónatan Magnússon fyrirliði orð fyrir sínum mönnum og gat þess að gríðarlega góð stemming væri í hópnum og ljóst að menn ætla að leika með hjartanu og að það verður barist til síðasta blóðdropa í öllum leikjum framundan. Liðinu hefur gengið prýðilega í æfingaleikjum haustsins en leikurinn gegn FH á fimmtudaginn verður fyrsti prófsteinninn og þar ætla menn svo sannarlega að sýna úr hverju þeir eru gerðir.

Rúnar Sigtryggsson þjálfari tók undir með Jónatan og lýsti bjartsýni á komandi verkefni.

Við kynninguna á leikmannahópnum vakti sérstaka athygli hvað vinstra hornið er vel mannað hjá liðinu en svo virtist sem annarhver leikmaður í hópnum léki þá stöðu.

Að lokinni formlegri dagskrá gafst tækifæri til að skrá sig í stuðningsmannaklúbbinn og hækkaði félagatala hans duglega. Samúel Jóhannsson hafði meðferðis og kynnti nokkrar útfærslur af borðfánum með nýja merki félagsins og bað viðstadda um að gefa álit sitt á því hvern þeirra það myndi helst kjósa.

Hér á eftir fara nokkrar myndir af liðinu og hluta fundargesta.






Það var létt yfir leikmönnum á fundinum










Þessar útgáfur borðfánans fengu flest atkvæði fundarmanna

Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson