Margir hafa saknað úrslitakeppninnar, nú er hún endurvakin
| | 23. september 2008 - Akureyri handboltafélag skrifarFyrirkomulag N1 deildarinnar - Úrslitakeppnin endurvakinMargir hafa komið máli við okkur og spurt hvernig leikjafyrirkomulag verði eiginlega í N1 deildinni í vetur? Það er ekki skrítið að fólk sé ekki með þetta á hreinu því að undanfarin ár hefur verið kynnt nýtt skipulag árlega og engin undantekning á því núna. Stærsta breytingin frá síðasta ári felst í því að nú verður tekin upp úrslitakeppni á ný. Fyrst leika liðin þrjár umferðir í deildinni (í stað fjögurra í fyrra), og að þeim loknum fara efstu fjögur liðin í úrslitakeppni sem væntanlega verður leikin í apríl og að henni lokinni verður Íslandsmeistari 2009 krýndur.
Liðið sem hafnar í neðsta sæti deildarkeppninnar fellur beint í 1. deild en sigurvegarar 1. deildar koma upp í staðinn. Það er hinsvegar nýung að liðið sem hafnar í næstneðsta sæti fer í sérstaka fjögurra liða keppni ásamt liðunum sem hafna í 2.- 4. sæti fyrstu deildarinnar um það hvert þeirra leikur í úrvalsdeildinni næsta tímabil.
Þetta virðist við fyrstu sýn bjóða upp á hasar og skemmtun út allt tímabilið. Ef eitthvert lið stingur af í deildarkeppninni þýðir það ekki að mótið og stemmingin sé búin því liðið þarf að standast álagið frá öðrum liðum sem gætu komið sterk inn í úrslitakeppnina. Sömuleiðis verða mikil átök og til mikils að vinna í keppni liðanna í neðri hlutanum.
Það stefnir sem sé allt í magnað handboltatímabil í vetur. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu