Anton Rúnarsson til liðs við Akureyri Handboltafélag

Fréttir

Þú flettir milli frétta með örvalyklunum eða smellir á bláu örvarnar!


Við bjóðum Anton Rúnarsson velkomin til liðs við Akureyri		1. nóvember 2008 - Akureyri handboltafélag skrifar Anton Rúnarsson til liðs við Akureyri Handboltafélag Þau tíðindi voru að berast að ein af efnilegustu skyttum yngri kynslóðarinnar hafi ákveðið að ganga til liðs við Akureyri Handboltafélag. Sá heitir Anton Rúnarsson og hefur verið í herbúðum Vals undanfarin ár. Anton er tuttugu ára gamall og leikur því einnig með 2. flokki en hann hefur orðið Íslandsmeistari og bikarmeistari með Val bæði í meistaraflokki og 2. flokki, þá hefur hann verið fastamaður í yngri landsliðum Íslands undanfarin ár. Anton er uppalinn á Akureyri og hóf sína handknattleiksiðkun hér í bæ á yngri árum en hann er sonur Rúnars Antonssonar. Í sumar gerði Anton þriggja ára samning við Val og því varð það samkomulag milli Vals og AHF að Valur myndi lána Anton til AHF í vetur og Anton því snúa aftur norður til Akureyrar þar sem fjölskylda hans býr. Anton mun mæta á sína fyrstu æfingu með Akureyri Handboltafélagi á mánudaginn og hyggst berjast af krafti fyrir sæti í liðinu. Við bjóðum hann velkominn heim aftur og efumst ekki um að kraftar hans muni nýtast liðinu í baráttunni sem framundan er.
Fletta milli frétta	Til baka Senda á Facebook