Hver hlýtur nafnbótina að þessu sinni?
| | 14. janúar 2009 - Akureyri handboltafélag skrifarÍþróttamaður Akureyrar 2008 útnefndur 14. janúar Útnefning Íþróttamanns Akureyrar verður í Ketilhúsinu miðvikudaginn 14. janúar kl. 19.30.
Fjórtán aðildarfélög hafa tilnefnt íþróttamenn úr sínum röðum til útnefningar Íþróttamanns Akureyrar árið 2008. Úr þessum hópi kýs stjórn Íþróttabandalags Akureyrar auk fulltrúa fjölmiðla á Akureyri Íþróttamann Akureyrar 2008. Upplýst verður um þrjú efstu sætin í hófinu í dag, en allir þeir íþróttamenn sem eru tilnefndir fá viðurkenningar.
Auk útnefningar Íþróttamanns Akureyrar 2008 verður við þetta tækifæri skrifað undir styrktarsamninga Afreks- og styrktarsjóðs Akureyrarbæjar við íþróttamenn og einnig mun Akureyrarbær heiðra einstaklinga sem hafa í gegnum tíðina unnið mikið og óeigingjarn starf í þágu íþróttahreyfingarinnar á Akureyri.
Þeir íþróttamenn sem eru tilefndir til kjörs Íþróttamanns Akureyrar 2008 eru (í stafrófsröð):
Andri Snær Stefánsson, handknattleiksmaður í Akureyri handboltafélagi
Bergþór Jónsson, siglingamaður í Nökkva
Bjarki Sigurðsson, akstursíþróttamaður í KKA – akstursíþróttafélagi torfæruhjóla- og vélsleðamanna á Akureyri
Bjartmar Örnuson, hlaupari í Ungmennafélagi Akureyrar
Björgvin Ólafsson, akstursíþróttamaður í Bílaklúbbi Akureyrar
Bryndís Rún Hansen, sundkona í Sundfélaginu Óðni
Dagný Linda Kristjánsdóttir, skíðakona í Skíðafélagi Akureyrar
Evita Alice Möller, fimleikakona í Fimleikafélagi Akureyrar
Finnur Steingrímsson, skotmaður í Skotfélagi Akureyrar
Jónína Margrét Guðbjartsdóttir, íshokkíkona í Skautafélagi Akureyrar
Matus Sandor, knattspyrnumaður í KA
Rakel Hönnudóttir, knattspyrnukona í Þór/KA
Þorbjörn Hreinn Matthíasson, hestamaður í Létti
Öldungasveit karla í Golfklúbbi Akureyrar
Fréttatilkynning frá Íþróttabandalagi Akureyrar Sunnudaginn 11. janúar 2008 |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu