Árni Sigtryggs er allur að koma til
| | 15. janúar 2009 - Akureyri handboltafélag skrifarMikið um að vera um helgina hjá Akureyri HandboltafélagiNú styttist í fyrsta leik meistaraflokks í langan tíma. Næstkomandi fimmtudag (22. janúar) koma Víkingar í heimsókn og getum við farið að hlakka til að sjá strákana spila aftur. Akureyrarliðið hefur æft vel að undanförnu og nú um helgina fer liðið suður og leikur tvo kærkomna æfingaleiki. Árni Sigtryggsson verður með í leikjunum og er það fagnaðarefni að hann er allur að koma til eftir aðgerðina sem gerð var á honum í lok nóvember.
2. flokkur
Það er ekki síður fjör hjá 2. flokki um helgina en liðið spilar þá tvo leiki. Á laugardag er heimaleikur gegn Stjörnunni og verður hann í íþróttahúsi Síðuskóla og hefst klukkan 14:00 en sá leikur er í Íslandsmótinu. Á sunnudaginn leikur 2. flokkurinn svo útileik gegn Fram en sá leikur er í 8-liða úrslitum bikarkeppninnar.
Akureyri og Stjarnan mættust einmitt í Síðuskóla 16. desember og varð það mikill baráttuleikur þar sem Akureyri náði að knýja fram tveggja marka sigur. Staða liðanna í deildinni er ójöfn, Akureyri á toppnum en Stjarnan er í 11. sæti af tólf en eins og kom í ljós í fyrrnefndum bikarleik er ekkert gefið í þessum málum. Strákarnir hafa vonandi lært það í bikarleiknum gegn Stjörnunni og í fyrri hálfleik í síðasta leik gegn Haukum að það dugar ekkert annað en koma af fullum krafti í leikinn, strax frá byrjun. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu