Heimasíðan
 Fréttir  -   Úrslit  -   Næstu leikir  -   Deildin

    Fréttir                       Þú flettir milli frétta með örvalyklunum eða smellir á bláu örvarnar! 

Spurning hvort bikarinn verður ekki til sýnis í Höllinni

3. apríl 2009 - Akureyri handboltafélag skrifar

2. flokkur: Lokaleikur deildarkeppninnar á laugardag

Nýkrýndir deildarmeistarar Akureyrar í 2. flokki leika síðasta deildarleik sinn á laugardaginn klukkan 14:00 þegar þeir mæta Fjölni úr Grafarvoginum og verður leikurinn í Íþróttahöllinni. Reikna má með því að þessi leikur verði ójafn þar sem hér mætast topplið deildarinnar og hins vegar botnliðið sem er enn án stiga í deildinni.

Liðin mættust í Grafarvoginum í nóvember og lauk þeim leik með yfirburðasigri Akureyrar 21-47. En Fjölnismenn hafa sýnt virðingarverða viðleitni og halda áfram þótt á móti blási og mæta galvaskir norður á laugardaginn.

Þetta er eins og áður segir síðasti leikur Akureyrar í deildarkeppninni sem lýkur í næstu viku. Þá tekur við fjögurra liða úrslitakeppni um Íslandsmeistaratitilinn og samkvæmt okkar heimildum er ekki fyllilega ljóst hvernig hún verður framkvæmd. Þó er nokkuð ljóst að Akureyri mætir Víkingum sem væntanlega hafna í 4. sæti deildarinnar en í hinni rimmunni mætast FH og Selfoss en þau munu hafna í 2. og 3. sæti. Sigurvegarar úr þessum tveim viðureignum leika síðan til úrslita um Íslandsmeistaratitilinn. Væntanlega skýrist það á allra næstu dögum hvernig framkvæmdin á þessu verður.

En það gefst sem sagt tækifæri til að sjá deildarmeistara Akureyrar á laugardaginn og viðbúið að það verði léttleiki og gleði í fyrirrúmi hjá strákunum.


Strákarnir fögnuðu vel um síðustu helgi.

Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson