Lokastaðan hjá 2. flokki - hvernig verður úrslitakeppnin?

Í gær voru leiknir síðustu þrír leikirnir í deildarkeppni 2. flokks þó svo að Akureyri Handboltafélag hafi lokið sínum leikjum þann 4. apríl. Það bar til tíðinda að lið Selfoss tryggði sér annað sæti deildarinnar með því að sigra Víkinga á útivelli og komst þar með stigi uppfyrir FH sem missti nokkuð flugið undir lok mótsins.

Efstu fjögur liðin leika til úrslita um Íslandsmeistaratitilinn en nú þegar þetta er ritað liggur ekki enn fyrir hvernig fyrirkomulag úrslitakeppninnar verður og þaðan af síður hvenær leikirnir fara fram. Það hlýtur þó að fara að skýrast enda í raun ótrúlegt að það liggi ekki fyrir í upphafi mótsins hvernig það verður klárað.

Þó liggur það fyrir að í undanúrslitum mætast annars vegar Akureyri og Víkingur og hins vegar Selfoss og FH. Sigurvegarar úr þeim viðureignum leika síðan til úrslita um titilinn. En allavega liggur nú fyrir lokastaðan í deildarkeppninni en hún varð sem hér segir:

Nr.	Félag	Leikir	U	J	T	Mörk	Nett	Stig
1.	Akureyri	22	18	1	3	744:617	127	37
2.	Selfoss	22	16	1	5	731:621	110	33
3.	FH	22	16	0	6	747:604	143	32
4.	Víkingur	22	12	3	7	636:571	65	27
5.	Haukar	22	10	5	7	615:578	37	25
6.	Valur	22	10	3	9	636:641	-5	23
7.	ÍR	22	10	1	11	644:634	10	21
8.	Afturelding	22	9	2	11	588:624	-36	20
9.	HK	22	8	1	13	684:651	33	17
10.	Stjarnan	22	7	1	14	577:624	-47	15
11.	Fram	22	7	0	15	638:697	-59	14
12.	Fjölnir	22	0	0	22	461:839	-378	0

Fletta milli frétta

Til baka

Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson