Lokahófið 2009 á laugardaginn í Lóni - Akureyri Handboltafélag

Fréttir - Úrslit - Næstu leikir - Deildin

Fréttir

Þú flettir milli frétta með örvalyklunum eða smellir á bláu örvarnar!


Andri Snær og Oddur fengu viðurkenningar 2008		23. apríl 2009 - Akureyri handboltafélag skrifar Lokahófið 2009 á laugardaginn í Lóni Það verður fjör á laugardaginn þegar haldið verður lokahóf Akureyrar Handboltafélags. Eins og kemur fram hér annarsstaðar á síðunni verða leikmenn meistaraflokks með fjölþrautakeppni í óvissustíl á laugardaginn en um kvöldmatarleitið liggur leiðin í Lón - félagsheimili Karlakórs Akureyrar – Geysis þar sem menn taka hraustlega til matar síns. Í Lóni hittast stuðningsmenn, leikmenn og þeir sem starfað hafa í kringum handboltann í vetur ásamt mökum. Meðlimir stuðningsmannaklúbbsins og ársmiðahafar þurfa einungis að sýna skírteini sín en aðgangseyrir fyrir aðra sem vilja gleðjast með er 2.000.- krónur. Eftir að menn hafa gert matnum góð skil verða veittar margvíslegar viðurkenningar fyrir leiktíðina. Undanfarið hefur sérleg dómnefnd verið að störfum og mun hún tilkynna niðurstöður sínar. Leiktíðin verður rifjuð upp í myndum og úrklippumöppur félagsins lagðar fram til skoðunar. Hægt verður að kaupa keppnistreyjur félagsins en haldið verður uppboð á þeim eftir matinn. Þá verður fjöldasöngur og vitað er um óvænt skemmtiatriði sem eru í undirbúningi. Þeir sem hafa áhuga á að vera með í matnum eru beðnir um að láta vita með því að senda tölvupóst á stefjo@unak.is Það var einnig grillað í Lóni eftir Greifamótið síðasta haust. Húsið opnar klukkan 18:00 á laugardaginn en gert er ráð fyrir að maturinn verði fram borinn klukkan 19:00.
Fletta milli frétta	Til baka Senda á Facebook

Umsjón og hönnun:
Stefán Jóhannsson og Ágúst Stefánsson

web counter