U-19 ára liðið sigraði þriðja leikinn í dag

Fréttir

Þú flettir milli frétta með örvalyklunum eða smellir á bláu örvarnar!


Vonandi kemur Oddur sterkur inn gegn Svíum á laugardaginn		23. júlí 2009 - Akureyri handboltafélag skrifar U-19 ára liðið sigraði þriðja leikinn í dag Íslenska U-19 liðið heldur áfram sigurgöngu sinni á heimsmeistaramótinu í Túnis. Í dag sigruðu íslensku strákarnir lið Brasilíu 37-31 eftir að hafa leitt 19-15 í hálfleik. Í upphafi var jafnt á öllum tölum upp í 4-4 en eftir það sigu Íslendingar fram úr og unnu öruggan sigur eins og áður segir. Oddur var ekki í hóp í dag en óstaðfestar fréttir herma að hann hafi orðið fyrir einhverju hnjaski í fyrsta leiknum. Næsti leikur liðsins er á laugardaginn og þá verður leikið gegn Svíum. Íslendingar eru efstir í riðlinum með 6 stig eftir 3 leiki, Svíar eru með 4 stig eftir 2 leiki en þeir spila gegn Frökkum á morgun og geta þar með náð Íslendingum að stigum og þá verður leikurinn á laugardaginn hreinn úrslitaleikur í riðlinum. Leikur Íslendinga og Svía hefst væntanlega klukkan 18:00 að íslenskum tíma og er hægt að fylgjast með gangi leiksins þegar þar að kemur á heimasíðu mótsins og smella þar á tengilinn Live Score en hann sýnir stöðuna í öllum leikjum dagsins og uppfærist sjálfkrafa á klukkutíma fresti. Smelltu hér til að komast á síðu mótsins.
Fletta milli frétta	Til baka Senda á Facebook