Þátttaka í Ólympíuleikum æskunnar tók sinn toll

Fréttir

Þú flettir milli frétta með örvalyklunum eða smellir á bláu örvarnar!


Ásgeir í leik með 2. flokki síðasta vetur		30. júlí 2009 - Akureyri handboltafélag skrifar Þátttaka í Ólympíuleikum æskunnar tók sinn toll Þrír piltar frá Akureyri Handboltafélagi voru í U-17 ára landsliði Íslands sem lék á Ólympíuleikum æskunnar í Finnlandi núna í júlí. Einn þeirra er hinn stórefnilegi Ásgeir Jóhann Kristinsson en hann varð fyrir því óláni að meiðast strax í fyrsta leik liðsins og kom ekki meira við sögu á leikunum. Nú er komið á daginn að Ásgeir er með slitið krossband og er það gríðarlegt áfall því reikna má með því að hann missi að mestu af næsta leiktímabil. Ásgeir er búinn að æfa vel í sumar og var ætlað hlutverk með meistaraflokki Akureyrar Handboltafélags á komandi vetri, svo ekki sé talað um 2. flokk. Þá þýða meiðslin að Ásgeir missir af æfingaferð til Kílar en honum og Guðmundi Hólmari Helgasyni var boðið að æfa með stórliði Kílar í næstu viku. Guðmundur fer hins vegar út ásamt þjálfurunum Sævari Árnasyni og Jóhanni Gunnari Jóhannssyni sem munu kynna sér þjálfun og uppbyggingarstarf hjá meistara Alfreð Gíslasyni. Við sendum Ásgeiri baráttukveðjur og óskum honum góðs bata og gengis í endurhæfingunni. Ásgeir á æfingu í sumar
Fletta milli frétta	Til baka Senda á Facebook