Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Oddur var atkvæðamestur Ísendinga í dag með 6 mörk 10. ágúst 2009 - Akureyri handboltafélag skrifar U-21 tap tap gegn Argentínu í dag Íslendingar riðu ekki feitum hesti frá viðureigninni við Argentínu í dag og urðu að játa sig sigraða 23-25. Argentína náði góðum tökum á leiknum í upphafi og komust fljótlega í 2-5 og síðan jókst munurinn hægt og rólega í 4-8 og varð mestur 7-12 þegar tíu mínútur voru eftir af fyrri hálfleik. Þá kom góður kafli hjá íslensku strákunum sem minnkuðu muninn í eitt mark 11-12 en í hálfleik var staðan 12-13 fyrir Argentínumenn. Íslenskur strákarnir náðu forystunni strax í upphafi seinni hálfleiks 14-13 og höfðu frumkvæðið lengst af þó að jafnt væri á öllum tölum allt upp í stöðuna 22-22 þegar tæpar fimm mínútur voru eftir af leiknum en Argentína reyndist öflugri í lokin og skoruðu þrjú mörk áður en Íslendingar náðu að skora síðasta mark leiksins og lokatölur því 23-25. Oddur Gretarsson var markhæstur í íslenska liðinu með 6 mörk úr átta skotum en mörkin dreifðust sem hér segir: Oddur Gretarsson 6 (3 víti), Rúnar Kárason 5, Ásbjörn Friðriksson 5, Ólafur Gústafsson 4, Anton Rúnarsson, Bjarni Aron Þórðarson og Orri Freyr Gíslason 1 mark hver. Í markinu varði Aron Rafn Eðvarsson 10 bolta en Ingvar Guðmundsson náði ekki að verja bolta. Leikurinn þróaðist sem hér segir: 2-2, 2-5, 4-5, 4-8, 7-12, 12-13, 15-14, 18-18, 20-20, 22-22, 23-25. Hér er hægt er að skoða ítarlega tölfræði leiksins. Vissulega eru þessi úrslit mikil vonbrigði og raunar frammistaðan til þessa þar sem töluverðar væntingar voru gerðar til liðsins. Sérstaka athygli vekur léleg nýting skyttanna í liðinu eins og best kemur fram í tölfræðiskýrslum leikjanna Næsti leikur íslenska liðsins er þriðjudaginn 11. ágúst kl. 13:30 gegn Qatar sem báru reyndar sigurorð af Kúwait þannig að þeir eru til alls líklegir en leikurinn sker úr um hvort liðið hafnar í 4. sæti riðilsins. Nánari upplýsingar um mótið finnur þú á heimasíðu mótsins með því að smella hér. Einnig er hægt að skoða öll úrslit leikja dagsins gang þeirra sem enn eru í gangi með því að smella hér en staðan birtast í nýjum glugga og uppfærist á mínútu fresti. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson