Er ekki kominn tími á að fá heimaleik í bikarnum?
| | 28. október 2009 - Akureyri handboltafélag skrifarAkureyri í 16 liða úrslitum bikarkeppninnarÞað hefur ekki verið mikið um fréttaflutning af 32 liða úrslitum bikarkeppninnar eða Eimskipsbikarsins eins og keppnin heitir í raun. Við greindum frá því fyrir nokkru síðan að Akureyri Handboltafélag dróst á móti Fjölni úr Grafarvogi sem leikur í 1. deild sem fékk heimaleikjaréttinn þar sem liðið leikur í neðri deild.
Það fór þó þannig að Fjölnir dró lið sitt úr keppninni og því var Akureyri dæmdur sigur 0-10 og Akureyri þar með komið í 16 liða úrslitin. Það voru alls 28 lið sem tilkynntu þátttöku sem þýddi að fjögur lið sátu hjá og komust þannig beint í 16 liða úrslitin en það voru: Haukar, Valur, Fram og ÍBV.
Engin óvænt úrslit urðu í þeim leikjum sem leiknir voru en þeim lyktaði sem hér segir: ÍR 2 - HKR 47-12 (17-4), Víkingur 2 - FH 22-39 (11-18),
Víkingur 3 - Víkingur 15-43 (6-17), Stjarnan 2 - Haukar 2 34-36 (15-18),
FH 2 - Afturelding 23-37 (11-19), Grótta 2 - Stjarnan 21-35 (11-17),
Stjarnan 3 - Grótta 16-40 (7-22), Afturelding 2 - Selfoss 19-38 (11-22),
Árborg - HK 17-42 (9-21), KS - ÍR 13-38 (6-20), Hörður - Þróttur 22-29.
Liðin 16 sem eftir standa eru því:
Akureyri
ÍR2
FH
Víkingur
Haukar 2
Afturelding
Stjarnan
Grótta
Selfoss
HK
ÍR
Þróttur
Haukar
Valur
Fram
ÍBV
Það styttist væntanlega í að dregið verði í 16 liða úrslitin og allar líkur á því að einhverjir stórleikir verði í þeirri umferð, allavega eru öll úrvalsdeildarliðin í pottinum ennþá. Það er eiginlega kominn tími á að Akureyri fái heimaleik í bikarnum en í raun hefur það ekki gerst síðan 6. desember 2006 þegar liðið fékk Fram í heimsókn. Raunar var leikið gegn HKR hér fyrir norðan í fyrra en sá leikur átti í raun að fara fram í Reykjanesbæ. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu