Bikarleikur hjá 2. flokki í dag gegn Gróttu á Nesinu

Strákarnir í 2. flokki halda suður í dag til að spila í bikarkeppninni. Þetta er fyrsti leikur þeirra í tæpan mánuð en síðasti leikur þeirra var 21. nóvember þegar þeir sigruðu ÍR hér í Höllinni. Að þessu sinnir eru andstæðingarnir Grótta á Seltjarnarnesi og hefst leikurinn klukkan20:00 á Nesinu.

Strákarnir eru í góðum málum en þeir eru taplausir í deildinni, hafa einungis tapað einu stigi í fimm leikjum og eru efstir í deildinni.

Gróttuliðinu hefur ekki gengið neitt sérstaklega, eru um miðja 2. deildina en það getur einmitt verið ákveðin hætta fólgin í slíkri stöðu sem býður upp á vanmat og kæruleysi.

Maður trúir ekki öðru en að strákarnir mæti í leikinn af fullum krafti því það yrði skammarlegt að klúðra svona færi í keppni sem þessari. Strákarnir eiga enn eftir að vinna titil og þessi leikur er svo sannarlega áfangi á þeirri leið.


Hressir strákar í 2. flokki