Nóg að gera þessa vikuna, EM og æfingaleikur gegn Val - Akureyri Handboltafélag

Fréttir - Úrslit - Næstu leikir - Deildin

Fréttir

Þú flettir milli frétta með örvalyklunum eða smellir á bláu örvarnar!


Næstu daga er ljóst að lífið snýst fyrst og fremst um handbolta		18. janúar 2010 - Akureyri handboltafélag skrifar Nóg að gera þessa vikuna, EM og æfingaleikur gegn Val Það er svo sannarlega handboltaveisla í gangi þessa vikuna. Landsliðið okkar byrjar slaginn á EM á morgun, þriðjudag með leik gegn Serbum og hefst leikurinn klukkan 19:00. Að sjálfsögðu er leikurinn í beinni útsendingu í sjónvarpinu en við höfum spurnir af því að leikurinn verði sýndur á stóru tjaldi í KA heimilinu. Þar mun Jónatan Magnússon, fyrirliði Akureyrar fjalla um mótið, landsliðið og fleira fyrir leikinn, Jonni byrjar hálftíma fyrir leikinn eða ca. 18:30. Léttar veitingar verða í boði þannig að þarna gæti orðið fínasta stemming. Jónatan verður í hlutverki fræðimannsins fyrir Serbaleikinn Fimmtudaginn 21. janúar mætir landsliðið heimamönnum í Austurríki og hefst sá leikur klukkan 17:00. Að loknum landsleiknum verður síðan hörkuleikur í Íþróttahöllinni þar sem Akureyri Handboltafélag tekur á móti Valsmönnum í æfingaleik. Samkvæmt nákvæmum upplýsingum frá Rúnari Sigtryggssyni hefst leikurinn klukkan 19:27 og er hann kærkominn fyrir leikmenn og áhugamenn um handboltann sem ekki hafa séð liðið spila hér síðan 10. desember. Á föstudaginn halda Akureyrarstrákarnir síðan suður til að taka þátt í Eiðsmótinu í Hafnarfirði eins og við höfum greint frá. Íslenska landsliðið leikur svo gegn Dönum á laugardaginn klukkan 19:00 og eftir þann leik liggur fyrir hvernig framhaldið verður hjá liðinu. Það er því hægt að láta sig hlakka til komandi daga.
Fletta milli frétta	Til baka Senda á Facebook

Umsjón og hönnun:
Stefán Jóhannsson og Ágúst Stefánsson

web counter