Heiðar Þór Aðalsteinsson til liðs við Gróttu

Fréttir

Þú flettir milli frétta með örvalyklunum eða smellir á bláu örvarnar!


Heiðar Þór klárar tímabilið á Seltjarnarnesinu		4. febrúar 2010 - Akureyri handboltafélag skrifar Heiðar Þór Aðalsteinsson til liðs við Gróttu Nú um áramótin hélt hornamaðurinn knái, Heiðar Þór Aðalsteinsson til náms í Reykjavík og varð að samkomulagi að hann færi til láns hjá Gróttu út leiktímabilið. Heiðar Þór hefur verið í leikmannahópi Akureyrar frá upphafi og ekki spurning að hann verður Gróttumönnum góður styrkur. Gróttuliðið tók þátt í Eiðsmótinu í Hafnarfirði 23.-24. janúar og þar klæddist Heiðar Gróttubúningnum í fyrsta sinn. Reyndar kom hann ekkert við sögu í leik þeirra gegn Akureyri. Heiðar Þór leikur væntanlega sinn fyrsta alvöruleik með Gróttu í kvöld þegar liðið mætir bikarmeisturunum í Val. Þar sem Heiðar er á lánssamningi frá Akureyri mun hann hins vegar ekki leika með Gróttu gegn Akureyri næstkomandi mánudagskvöldi hér í Höllinni. Við óskum Heiðari góðs gengis með sínu nýja liði og að hann verði duglegur að reyta stig af öðrum en sínum fyrri félögum í Akureyri. Hér má sjá Heiðar Þór í búningi U-21 landsliðs Íslands.
Fletta milli frétta	Til baka Senda á Facebook