Bergvin og strákarnir í 2. flokki eru komnir í 4 liða úrslit Íslandsmótsins
| | 1. apríl 2010 - Akureyri handboltafélag skrifar2. flokkur: Sigur á Fram í dagStrákarnir í 2. flokki tryggðu sig í 4 liða úrslit Íslandsmótsins í dag með sigri á Fram. Leikurinn var í járnum allan tímann og jafnt á flestum tölum. Fram hafði undirtökin framan af en um miðjan fyrri hálfleik komst Akureyri yfir en það var þó Fram sem leiddi í hálfleik 16-17.
Fram hélt frumkvæðinu í upphafi seinni hálfleiks en Akureyri jafnaði í 20-20 og komst loks yfir í 23-22. Akueyri náði þriggja marka forystu 27-24 og virtist þá sem strákarnir ætluðu loksins að hrista Framara af sér en það gekk ekk og Fram jafnaði í 28-28 og spennandi lokamínútur framundan. Akureyri höndlaði spennuna betur og kláraði leikinn með þriggja marka sigri 32-29.
Akureyri er því komið í 4 liða úrslitin en það verður að viðurkennast að það var enginn glæsibragur á leik liðsins í dag og þarf liðið að spila betur í framhaldinu. Sóknarleikurinn byggðist mikið á einstaklingsframtaki og varnarleikurinn hefur oft verið ákveðnari. Páll var traustur í markinu og varði marga mikilvæga bolta.
Mörk Akureyrar: Oddur 11, Jón Heiðar 5, Bergvin, Guðmundur og Halldór 4 mörk hver, Bjarni 3 mörk og Hlynur 1 mark.
En sigur er sigur og við fögnum honum að sjálfsögðu. Nú tekur við úrslitahelgi sem verður helgina 10.-11. apríl og fer fram í Hafnarfirði. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu