KA strákarnir í 3. flokki urðu Íslandsmeistarar

Fréttir

Þú flettir milli frétta með örvalyklunum eða smellir á bláu örvarnar!


Við sendum strákunum hamingjuóskir með titilinn		3. maí 2010 - Akureyri handboltafélag skrifar KA strákarnir í 3. flokki urðu Íslandsmeistarar Strákarnir í 3. flokki KA sáu til þess í gær að a.m.k. einn Íslandsmeistaratitill skilaði sér hingað norður yfir heiðar á tímabilinu. Strákarnir urðu í öðru sæti deildarinnar á eftir Stjörnunni. Í fjögurra liða úrslitum á laugardaginn unnu strákarnir lið FH 29-22 og mættu deildarmeisturum Stjörnunnar í úrslitaleiknum. Úrslitaleikurinn fór fram í gær og eftir æsispennandi leik fóru norðanstrákar með eins marks sigur 28-27 og hampa því titlinum í ár. Meistararnir ásamt unglingaráði KA Við óskum strákunum hjartanlega til hamingju með frábæran árangur og minnum á að enn er von um einn titil í viðbót, þ.e.a.s. hjá 2. flokki Akureyrar en ennþá er óljóst hvenær úrslitaleikur þeirra gegn Haukum verður leikinn. Hér er hægt að skoða myndasyrpu frá móttöku Íslandsmeistaranna í gærkvöldi.
Fletta milli frétta	Til baka Senda á Facebook