Hafþór Einarsson til liðs við Aftureldingu

Fréttir

Þú flettir milli frétta með örvalyklunum eða smellir á bláu örvarnar!


Reynsluboltinn Hafþór Einarsson		18. ágúst 2010 - Akureyri handboltafélag skrifar Hafþór Einarsson til liðs við Aftureldingu Það hefur legið í loftinu í sumar að markvörðurinn Hafþór Einarsson myndi hugsanlega yfirgefa liðið. Nú hefur það verið staðfest að Hafþór er genginn í raðir nýliða Aftureldingar úr Mosfellsbænum. Hafþór staðfesti það við okkur að hann væri að flytjast á suðvestur-hornið þar sem hann færi í nám og nú væri frágengið að hann myndi klæðast Aftureldingarpeysunni. Hafþór sem er kornungur af markvörðum að vera, 31 árs átti frábær tímabil eftir að hann tók fram skóna á ný fyrir tveim árum eftir stutta hvíld. Þar á undan lék hann lengst af með KA en varði einnig mark Þórs um tíma. Hafþór var valinn besti leikmaður Akureyrar tímabilið 2008-2009 og fékk sömuleiðs háttvísisverðlaun HSÍ fyrir sama tímabil. Við sendum Hafþóri eða Haffa bestu óskir í þetta verkefni um leið og við þökkum honum árin í boltanum hér fyrir norðan. Haffi ver eitt af þremur vítum sínum í leik gegn Fram árið 2009
Fletta milli frétta	Til baka Senda á Facebook